DIWALI 2023 / ધનતેરસ: આજે શુભ કામ કે પૂજન માટે વસ્તુઓ ખરીદો, પણ આટલા દિવસ ન કરવો જોઈએ તેનો ઉપયોગ, જાણો કારણ

• આજે ધનતેરસનો તહેવાર ઉજવવામાં આવી રહ્યો છે 
• ધનતેરસના દિવસે તાંબાનું વાસણ ખરીદવું શુભ માનવામાં આવે
• ધનતેરસના દિવસે ખરીદેલ વસ્તુનો ઉપયોગ ક્યારે કરવો જોઈએ?

દર વર્ષે ધનતેરસનો તહેવાર ગુજરાતી કેલેન્ડર મુજબ આસો વદ તેરસના રોજ ઉજવવામાં આવે છે. પૌરાણિક માન્યતા અનુસાર, સમુદ્ર મંથન સમયે ભગવાન ધન્વંતરિ અમૃતના પાત્ર સાથે પ્રગટ થયા હતા.આ કારણથી લોકો તે દિવસે ઘરમાં વાસણો ખરીદે છે અને પૂજા કરે છે.

ધનતેરસના દિવસે શેની ખરીદી કરવી જોઈએ?
આજે ધનતેરસ છે અને આખા વર્ષ દરમિયાન ધનની વૃદ્ધિ કરવા માટે આજના દિવસે તાંબાનું વાસણ ખરીદવું શુભ માનવામાં આવે છે. સાથે જ આ દિવસે સોના-ચાંદીની વસ્તુઓ ખરીદવાનું પણ મહત્વ છે. ઘણા લોકો લક્ષ્મી-ગણેશ કોતરેલા સોના અને ચાંદીના સિક્કા ખરીદે છે, જ્યારે સ્ટીલ, પિત્તળ અથવા તાંબા વગેરેના વાસણો ખરીદતા લોકો પણ બજારમાં જોવા મળે છે.

ધનતેરસ પર ખરીદી માટે શુભ મૂહર્ત ક્યારે?
ધનતેરસ પર ખરીદી માટે શુભ મૂહર્તની વાત કરીએ તો ધનતેરસ 10 નવેમ્બર 2023 ના રોજ બપોરે 12:35 વાગ્યે શરૂ થશે અને 11 નવેમ્બર 2023 ના રોજ 01:57 PM પર સમાપ્ત થશે. જેમાં પ્રદોષ કાલ - સાંજે 05:29 થી 08:07 સુધી રહેશે, વૃષભ સમયગાળો - સાંજે 05:46 થી 07:42 સુધી, ધનતેરસ પૂજા મુહૂર્ત -05:46 PM થી 07:42 P એટલે કે 01 કલાક 56 મિનિટ સુધીના સમયમાં કરવાની રહેશે. સાથે જ જો ખરીદીનો સમયની વાત કરીએ તો 05:05 PM થી 06: 41 PM સુધી સારો મૂહર્ત છે. 

ધનતેરસના દિવસે ખરીદેલ વસ્તુનો ઉપયોગ ક્યારે કરવો?
ધનતેરસ પર ખરીદી કરવા માટેના કેટલાક નિયમોનો ઉલ્લેખ ધાર્મિક ગ્રંથોમાં પણ કરવામાં આવ્યો છે. આ નિયમોની અવગણના કરવાથી લાભને બદલે નુકસાન થઈ શકે છે. આ સાથે જ એ વાત પણ ધ્યાનમાં રાખવી જોઈએ કે ધનતેરસના દિવસે જે પણ વસ્તુની ખરીદી કરવામાં આવે છે તેનો દિવાળી સુધી ઉપયોગ ન કરવો જોઈએ. દિવાળીના દિવસે તેને દેવી લક્ષ્મીની સામે રાખીને પૂજા કર્યા બાદ તેનો ઉપયોગ કરવામાં આવે છે.