તમારા કામનું / શું ભૂલમાં UPIથી ખોટા એકાઉન્ટમાં પૈસા ટ્રાન્સફર થઇ ગયા? તો ચિંતા ના કરો, બસ ફૉલો કરો આ સ્ટેપ્સ

• આજના સમયમાં લોકો પૈસા ટ્રાન્સફર કરવા ડિજિટલ માધ્મનો ઉપયોગ કરે છે
• UPI નો ઉપયોગ કરનારની સંખ્યામાં સતત વધારો થઈ રહ્યો છે
• UPI થી પૈસા ટ્રાન્સફર અમુક વખત અન્ય વ્યક્તિના ખાતામાં પૈસા જતા રહે છે

 યુનિફાઈડ પેમેન્ટ ઈન્ટરફેસ એટલે કે UPI થી આજકાલ નાણાં ટ્રાન્સફર કરવાની ખૂબ જ લોકપ્રિય રીત બની ગઈ છે. વધતા જતા ડિજિટલાઈઝેશન સાથે આજકાલ એક ખાતામાંથી બીજા ખાતામાં પૈસા ટ્રાન્સફર કરવાનું ખૂબ જ  સરળ બની ગયું છે.UPI દ્વારા કોઈ વ્યક્તિને પૈસા ચૂકવવા માટે તમારે ક્રેડિટ કાર્ડ કે ડેબિટ કાર્ડની પણ જરૂર નહીં પડે.આ કામ તમે ઘરે બેઠા બેઠા તમારા મોબાઈલ નંબરથી પણ કરી શકો છો. આજકાલ લોકો UPI એપ્સ જેમ કે Google Pay, Phone Pe, Paytm વગેરે દ્વારા સરળતાથી પૈસા ટ્રાન્સફર કરી શકે છે. પરંતુ ઘણી વખત UPI થી પૈસા ટ્રાન્સફર કરતી વખતે પૈસા ખોટા ખાતામાં જાય છે. આવી સ્થિતિમાં તમારે ચિંતા કરવાની જરૂર નથી. તમે કેટલાક સરળ પગલાંઓ અનુસરીને તમારા પૈસા પાછા મેળવી શકો છો.

BHIM નો નિયમ શું કહે છે?
BHIM નાં નિયમ અનુસાર કોઈ પણ વ્યક્તિ BHIM UPI એપથી કોઈ અન્ય વ્યક્તિના એકાઉન્ટમાં પૈસા ટ્રાન્સફર કર્યા છે તો તે બીજી વખત તમે તેને પૈસા મોકલી શકશો નહિ. આ માટે તમારે રિસીવરને જ વિનંતી કરવી પડશે કેતે તમારા પૈસાને બીજી વખત ટ્રાન્સફર કરે. ત્યારે તમે BHIM એપથી પૈસા ટ્રાન્સફર કરો છો તો તમારે તમામ વિગતો ચેક કરવી ખૂબ જ જરૂરી છે. પૈસા જેને મોકલવાના છે તે વ્યક્તિની તમામ ડિટેઈલ ચેક કર્યા બાદ જ પૈસા ટ્રાન્સફર કરો અને તમને થનાર નુકશાનથી બચો.

બેંકને પણ જાણ કરી દેવી જરૂરી છે
જો તમારા પૈસા અન્ય એકાઉન્ટમાં ટ્રાન્સફર થઈ ગયા હોય તો તમારે તરત જ તે એકાઉન્ટ નંબરનો સ્ક્રીન શોટ લઈ લેવો જોઈએ. જે બાદ તમારે બેંકનો સંપર્ક કરીને જે વ્યક્તિના એકાઉન્ટમાં પૈસા ટ્રાન્સફર થઈ ગયા હોય તેનો સંપર્ક કરો. ત્યાર બાદ તમે જો ઈચ્છો તો બેંક મેનેજરને પણ આ અંગે જાણ કરી શકો છો. જે બાદ બેંક તમને મદદ કરી શકે છે અને તમને તમારે પૈસા પરત મળી શકશે. ધ્યાનમાં રાખો કે તમે બેંકને જેટલી જલ્દી તમામ માહિતી આપશો એટલી જલ્દી જ તમારા પૈસા પરત મળવાની સંભાવના વધી જાય છે.