બોલિવૂડ / એણે કર્યું ત્યારે કંઈ નહીં, અને મેં એક કિસ કરી એમાં તો...: ધર્મેન્દ્રએ ફરી કિસીંગ સીન મુદ્દે કરી ચર્ચા, પૌત્ર સાથે તુલના કરીને જુઓ શું કહ્યું

• ધર્મેન્દ્રે ઓન સ્ક્રીન એક્ટ્રેસ શબાનાને કિસ કરી હતી
• આ સીન જોઈને બોલિવૂડમાં ચારેય બાજુ ચર્ચાઓ થવા લાગી
• લોકો દ્વારા કરવામાં આવેલ ઉહાપા પર ધર્મેન્દ્રે પ્રતિક્રિયા આપી

87 વર્ષની ઉંમરમાં પણ દિગ્ગજ એક્ટર ધર્મેન્દ્ર ફિલ્મોમાં પોતાના પાત્રને લઈને સતત ચર્ચાનો વિષય બનતાં હોય છે. આ ઉંમરમાં પણ ધર્મેન્દ્રએ હાલમાં રણવીર સિંહ અને આલિયા ભટ્ટ સાથે રૉકી ઔર રાની કી પ્રેમ કહાની ફિલ્મમાં રોકીનાં દાદા તરીકેને ભૂમિકા ભજવી હતી. ફિલ્મમાં ધર્મેન્દ્ર અને શબાનાની વચ્ચે થયેલા લીપ લૉક સીને દર્શેતાઓનું ધ્યાન પોતાના તરફ ખેંચી લીધું હતું. હાલમાં ધર્મેન્દ્રએ પોતાના આ સીનની તુલના ફિલ્મ 'દોનો'માં પોતાના પૌત્ર રાજવીર દેઓલનાં લીપલોક સીન સાથે કરી છે.

હું એવું પાત્ર પસંદ કરું છું જે...
ધર્મેન્દ્રે હાલમાં જ મીડિયા સાથેની વાતચીતમાં કહ્યું કે ફિલ્મો દર્શકો સાથે જોડવાનું માધ્યમ અમારું છે. હું એવા જ પાત્ર પસંદ કરું છું જે મારી સામે આવતાંની સાથે જ મારા દિલમાં ગૂંજી ઊઠે છે.

કિસિંગ સીનની તુલના કરી
ધર્મેન્દ્રે પોતાના હાલનાં કિસિંગ સીનની તુલના ફિલ્મ 'દોનો'માં પોતાનાં પૌત્ર રાજવીર દેઓલનાં લિપલોકથી કરી. તેમણે કહ્યું કે મને નથી ખબર કે મારા પૌત્રે પોતાની ફિલ્મમાં કેટલા કિસ કર્યાં છે પણ મારી એક કિસથી હોબાળો મચી ગયો..'