ધર્મ / શિવલિંગના પણ હોય છે અનેક પ્રકાર, ધાર્યું ફળ મેળવવા આ રીતે કરો પુજન

હિંદુ ધર્મમાં શિવને 'અનાદિ અને અનંત' માનવામાં આવે છે, અને તેમની આરાધના માટે શિવલિંગનું વિશેષ મહત્વ છે. ભક્તિ અને તત્વજ્ઞાન બંનેનું પ્રતિબિંબ શિવલિંગમાં જોવા મળે છે. પરંતુ શું તમે જાણો છો કે શિવલિંગ માત્ર એક પ્રકારનું નથી હોતું ? તેના અનેક પ્રકારો છે, અને દરેક પ્રકાર એક અલગ આધ્યાત્મિક વિચારધારાને રજૂ કરે છે. ચાલો જાણીએ શિવલિંગના 15 અદભૂત પ્રકારો વિશે.

દેવલિંગ: આ શિવલિંગ દેવતાઓ દ્વારા સ્થાપિત છે. એવો વિશ્વાસ છે કે સ્વર્ગના દેવોએ પોતાની શક્તિથી શિવને આમંત્રિત કરી અને તેમની સ્થાપના કરી.

અસુરલિંગ: અસુરો દ્વારા સ્થાપિત થયેલું લિંગ. આ દર્શાવે છે કે શિવના આશીર્વાદ માટે સદગુણ કે દુર્ગુણ કોઈપણ પ્રકારના ભક્તો કાયમ આમંત્રિત છે.

આર્ષ લિંગ / ગણપત્ય લિંગ: આ લિંગ ઋષિ, મુનિઓ અને ગણો દ્વારા સ્થાપિત કરવામાં આવે છે. આ શિવલિંગ તપ, જ્ઞાન અને શાંતિનું પ્રતીક મનાય છે.

માનુષ લિંગ: આ શિવલિંગ સામાન્ય માનવો દ્વારા પૂજાની ભાવના સાથે સ્થાપિત થાય છે. જે ભક્તિનું શ્રેષ્ઠ ઉદાહરણ છે.

સ્વયંભુ લિંગ:આ શિવલિંગ કોઈ માનવ હસ્તક્ષેપ વિના પોતે ભૂમિમાંથી પ્રગટે છે. એ જગ્યા પવિત્ર અને શક્તિશાળી માનવામાં આવે છે.

મુખલિંગ:શિવલિંગ પર ચહેરો દોરવામાં આવે છે. ભક્તો માનવે ભગવાનને સાકાર સ્વરૂપમાં જોવાનો પ્રયાસ કરે છે.

લોહાજા લિંગ: આ શિવલિંગ આઠ વિવિધ ધાતુઓમાંથી બનેલું હોય છે. ભૌતિક શક્તિ અને આધ્યાત્મિક સત્યનું સંમેલન.

આ પણ વાંચો: બુધના ઉદિત થવાથી ચમકશે આ 4 રાશિની કિસ્મત, ચેક કરો તમારી રાશિ છે કે નહી

રત્નલિંગ:સાત પ્રકારના રત્નોથી બનેલું લિંગ, જેમાં દરેક રત્ન કોઈ ખાસ તત્ત્વનું પ્રતિનિધિત્વ કરે છે.

દારુજ લિંગ: લાકડાથી બનેલું લિંગ, જે જીવનચક્ર અને પ્રકૃતિ સાથેનો જોડાણ દર્શાવે છે.

માટીનું લિંગ: બેક કરેલી માટીમાંથી બનાવાય છે. શુદ્ધતા અને નમ્રતાનું પ્રતીક.

ક્ષણિક લિંગ: ફળો અને ફૂલો જેવી અસ્થાયી વસ્તુઓથી બનાવાય છે જેથી ટૂંક સમય એટલે ક્ષણિક ભર માટે રહે છે તેથી તેને ક્ષણિક લિંગ કહેવાય છે. આ દર્શાવે છે કે ભક્તિ માટે કાયમી તત્વ જરૂરી નથી.

ગંધ લિંગ: કસ્તુરી, ચંદન અને કુમકુમથી બનેલું વિશિષ્ટ લિંગ. સુંદર સુગંધથી શિવતત્વને આકર્ષવામાં આવે છે.

બાણલિંગ / નર્મદેશ્વર:નર્મદા નદીના ગર્ભમાંથી કુદરતી રીતે મળેલું લિંગ. શક્તિ અને શાંતિનું અનોખું સંતુલન.

લિંગોદ્ભવ મૂર્તિ: જ્યાંથી માનવ આકારના દેવતાનું અવતરણ થાય છે. એ ઐતિહાસિક ક્ષણ યાદ કરાવે છે જ્યારે બ્રહ્મા અને વિષ્ણુએ શિવનું અદભૂત રૂપ જોયું હતું. લિંગમાંથી જ માનવાકાર દેવતા પ્રગટ થતા હોય તેવા લિંગને લિંગોદ્ભવ મૂર્તિ કહે છે.

પારદ લિંગ:પારા અને ચાંદીથી બનેલું લિંગ જેને પારદ લિંગ કહેવાય છે. આ લિંગ તંત્રશાસ્ત્રમાં સૌથી શક્તિશાળી માનવામાં આવે છે.

શિવ સર્વત્ર છે

શિવલિંગનું દરેક સ્વરૂપ એક નવી દૃષ્ટિ આપે છે. ભક્તિ, શક્તિ, જ્ઞાન અને શાંતિનો અખૂટ ભંડાર. તે બતાવે છે કે શિવ કોઈ એક જગ્યાએ બંધાયેલા નથી, તેઓ પ્રત્યેક હૃદયમાં, પ્રત્યેક ભક્તિમાં વિરાજે છે.

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ