પગલા / રાજકોટ પોલીસ બેડામાં હડકંપ: જમીન પ્રકરણ કેસમાં PI મહેશ વાળાની અટકાયત, ACBએ કસ્યો ગાળિયો

• રાજકોટ જમીન પ્રકરણ કેસમાં PI મહેશ વાળાની અટકાયત
• સુરતના વેસુ પોલીસ સ્ટેશના PI મહેશ વાળાની અટકાયત
• રાજકોટ ACBની ટીમે જમીન પ્રકરણ કેસમાં કરી અટકાયત
• મહેશ વાળાએ 7 લાખ રૂપિયાની માગી હતી લાંચ

રાજકોટ જમીન પ્રકરણ કેસમાં PI મહેશ વાળાની અટકાયત કરતા પોલીસ આલમમાં હડકંપ મચી ગયો છે. સુરતના વેસુ પોલીસ સ્ટેશના PI મહેશ વાળાની અટકાયત કરાઈ છે. રાજકોટ ACBની ટીમે જમીન પ્રકરણ કેસમાં અટકાયત કરતા હાલ આ મામલો પોલીસ લોબીમાં ચર્ચાનું કેન્દ્ર બની રહ્યો છે. મહેશ વાળા જ્યારે કુવાડવા પોલીસ સ્ટેશનમાં ફરજ બજાવતા હતા એ સમયે જમીન પ્રકરણ મામલે મહેશ વાળાએ 7 લાખ રૂપિયાની લાંચ માંગી હતી.

જમીન પ્રકરણ કેસમાં PIની અટકાયત
જે અંગે તપાસ બાદ FSLનો રિપોર્ટ આવતા રાજકોટ ACBએ તેમની વિરુદ્ધ  ગુનો દાખલ કર્યો હતો. એફએસએલનો મોબાઈલનો વોઈસ રેકોડ રિપોર્ટ આવી જતા રાજકોટ એન્ટીકરપ્શન બ્યુરો એ કાર્યવાહી આગળ ધપાવી છે. રાજકોટ એસીબીની ટીમે સુરત જઈ વેસુ પોલીસ સ્ટેશનના પીઆઇ એમ. સી. વાળાની અટકાયત કરી લીધી હતી. ત્યારબાદ તેઓને રાજકોટ લઈ આવ્યા બાદ વિધિવત ધરપકડની કાર્યવાહી હાથ ધરવામા આવશે.

અન્ય એક આરોપી હેડ કોસ્ટેબલ હિતુભા નાસી છૂટતા શોધખોળ શરૂ કરી 
જ્યારે આ પ્રકરણમાં અન્ય એક આરોપી હેડ કોન્સ્ટેબલ હિતુભા ફરાર થતાં પોલીસ દ્વારા હાલ તેને ફરારી જાહેર કરી શોધખોળ હાથ ધરાઇ છે.આરોપી રાઇટર હેડ કોસ્ટેબલ સુધી પહોંચવા એસીબીના પીઆઈ આર.આર. સોલંકી દ્વારા તપાસનો ધમધમાટ શરૂ કરાયો છે.