તાબડતોબ બેઠક / PM મોદી લેશે મોટો નિર્ણય? 5G માં આ સમસ્યા આવતા સરકાર નારાજ, મોબાઈલ કંપનીઓની લેવાશે ક્લાસ!

• 5G સોફ્ટવેર અપડેટમાં લાગી રહ્યો છે સમય 
• ઘણી કંપનીઓએ નથી જાહેર કર્યું અપડેટ 
• ટેલિકોમ વિભાગે બોલાવી બેઠક 

5G સોફ્ટવેર અપડેટમાં લાગી રહ્યો છે સમય 

પીએમ મોદી સરકાર તરફથી દેશમા 5G નેટવર્ક રોલઆઉટ કરવામાં આવ્યું છે. જિયો અને રિલાયન્સ જેવી ટેલિકોમ કંપનીઓએ મેટ્રો સિટીમા 5G નેટવર્ક ઉપલબ્ધ કરાવ્યું છે. આ છતાં પણ 5G સ્માર્ટફોન્સ હોવા છતાં લોકો ફોનમાં 5G નેટવર્કનો ઉપયોગ નથી કરી શકતા. આ બાબતને લઈને પીએમ મોદી સરકાર નારાજ છે. આવામા ટેલોકોમ વિભાગ તરફથી એક બેઠક બોલાવવામાં આવી છે, જેમાં 5G સોફ્ટવેર અપડેટ અને 5G નેટવર્કનાં વિસ્તાર સહિત ઘણા મુદ્દાઓ પર મોટો નિર્ણય લેવામાં આવશે. 

ટેલિકોમ વિભાગે બોલાવી બેઠક 

ટેલિકોમ વિભાગ આજે બેઠકમાં Samsung, Xiaomi જેવા સ્માર્ટફોન્સ બનાવનાર કંપનીઓ અને ટેલિકોમ કંપનીઓને બોલાવશે. આ બેઠકમાં 5Gમાં સમય લાગવાને લઈને ચર્ચા કરવામાં આવશે કે આખરે શા માટે સ્માર્ટફોન કંપનીઓ તરફથી સમયસર 5G નેટવર્ક સપોર્ટને લઈને સોફ્ટવેર જાહેર નથી થઈ રહ્યો? જણાવવામાં આવે છે કે Samsung, OnePlus અને Appleને  5G સપોર્ટ સોફ્ટવેર ન જાહેર કરવા પર નારાજગી જતાવવામાં આવી છે. 

ટેલિકોમ વિભાગ તરફથી સ્માર્ટફોન બ્રાંડ, ચિપ મેકર કંપનીઓ, ઇલેક્ટ્રોનિક મેન્યુફેક્ચરિંગ સર્વિસ સેક્ટરનાં 30 ભાગીદારોને બોલાવવામાં આવ્યા છે. 

આ સ્માર્ટ ફોનને જાહેર કરવામાં આવ્યા 5G સોફ્ટવેર 
એરટેલની વેબસાઇટ અનુસાર, સેમસંગનાં માત્ર 9 ડિવાઇઝ 5G નેટવર્કને સપોર્ટ કરે છે. જ્યારે એપલ તરફથી iPhone 12 માટે 5G સોફ્ટવેર જાહેર કરવામાં આવ્યા નથી. મીડિયા રિપોર્ટ્સ અનુસાર તો apple 5G નેટવર્ક પર અમુક ટેસ્ટિંગ કરી રહ્યું છે, જ્યાર બાદ 5G સપોર્ટ સોફ્ટવેર જાહેર કરી શકે છે. જ્યારે અન્ય કંપનીઓ જેવી કે Samsung, Xiaomi, Oppo અને Vivo પણ પોતાના સ્માર્ટફોનમાં 5G સોફ્ટવેર અપડેટને લઈને કામ કરી રહ્યા છે.