National / દિલ્હી-વારાણસી-સિલીગુડી બુલેટ ટ્રેન કોરિડોરની તૈયારીઓ તેજ, પ્રથમ તબક્કાનું આયોજન શરૂ

દેશમાં હાઈ-સ્પીડ રેલ નેટવર્કના વિસ્તરણ માટે દિલ્હીથી વારાણસી અને આગળ સિલીગુડી સુધીના બુલેટ ટ્રેન કોરિડોરની તૈયારીઓ તેજ કરવામાં આવી છે. આ પ્રોજેક્ટને દેશના સૌથી મહત્વપૂર્ણ હાઈ-સ્પીડ રેલ પ્રોજેક્ટ્સમાં સ્થાન આપવામાં આવ્યું છે. પ્રસ્તાવિત કોરિડોર દેશના સૌથી લાંબા બુલેટ ટ્રેન રૂટ તરીકે વિકસવાની સંભાવના ધરાવે છે, જે અનેક મોટા શહેરો અને રાજ્યોને ઝડપી રેલ સેવા દ્વારા જોડશે.

પશ્ચિમ બંગાળ સહિત અનેક રાજ્યોને જોડશે

આ પ્રસ્તાવિત હાઈ-સ્પીડ રેલ કોરિડોર ઉત્તર પ્રદેશ, બિહાર અને પશ્ચિમ બંગાળ સહિત અનેક રાજ્યોને જોડશે. લાંબા અંતરની મુસાફરી વધુ ઝડપી અને સુવિધાજનક બને તે હેતુથી આ પ્રોજેક્ટ પર આયોજન આગળ વધારવામાં આવી રહ્યું છે. આ કોરિડોર કાર્યાન્વિત થયા બાદ મુસાફરોને ઓછા સમયમાં લાંબા અંતરની મુસાફરી કરવાની સુવિધા મળશે તેમજ દેશના પરિવહન ક્ષેત્રને નવી દિશા મળશે

પ્રોજેક્ટના પ્રથમ તબક્કો

પ્રોજેક્ટના પ્રથમ તબક્કામાં દિલ્હી–વારાણસી બુલેટ ટ્રેન કોરિડોર વિકસાવવામાં આવશે. આ તબક્કાનું કામ પૂર્ણ થયા બાદ બીજા તબક્કામાં આ રૂટને વધુ વિસ્તૃત કરવામાં આવશે. આયોજન મુજબ બાદમાં આ હાઈ-સ્પીડ રેલ કોરિડોરને વારાણસી–પટણા–સિલીગુડી સુધી લંબાવવામાં આવશે. આ વિસ્તરણથી પૂર્વ ભારતના અનેક મહત્વપૂર્ણ વિસ્તારોને પણ બુલેટ ટ્રેન નેટવર્કનો લાભ મળશે.

દિલ્હી–વારાણસી–સિલીગુડી રૂટને વિશેષ મહત્વ

હાઈ-સ્પીડ રેલ કોરિડોરના વિકાસમાં દિલ્હી–વારાણસી–સિલીગુડી રૂટને વિશેષ મહત્વ આપવામાં આવ્યું છે. આ રૂટ દેશના ઉત્તર અને પૂર્વ ભાગને આધુનિક રેલ વ્યવસ્થા સાથે જોડવામાં મહત્વની ભૂમિકા ભજવશે. સાથે જ મુસાફરીનો સમય ઘટાડવામાં, વેપાર અને આર્થિક પ્રવૃત્તિઓને પ્રોત્સાહન આપવામાં તેમજ વિવિધ રાજ્યો વચ્ચે વધુ સારી કનેક્ટિવિટી ઊભી કરવામાં આ પ્રોજેક્ટ મહત્વપૂર્ણ સાબિત થઈ શકે છે.

આ પણ વાંચો : મુંબઈમાં ધોધમાર વરસાદથી જનજીવન થયું અસ્તવ્યસ્ત, અંધેરી સબવે બંધ કરવો પડ્યો

બુલેટ ટ્રેન નેટવર્કને વધુ વિસ્તૃત કરવાની પણ યોજના

આગામી સમયમાં દેશના બુલેટ ટ્રેન નેટવર્કને વધુ વિસ્તૃત કરવાની પણ યોજના છે. ભવિષ્યમાં અમદાવાદ, અમૃતસર અને જમ્મુ તરફ પણ બુલેટ ટ્રેન સેવા શરૂ કરવાની સંભાવનાઓ પર વિચાર કરવામાં આવી રહ્યો છે. આ નવા રૂટ શરૂ થતાં દેશના વિવિધ વિસ્તારો વચ્ચે હાઈ-સ્પીડ રેલ કનેક્ટિવિટી વધુ મજબૂત બનશે અને મુસાફરોને વધુ ઝડપી તથા આધુનિક મુસાફરીનો અનુભવ મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ