બોલીવુડ / દિપીકાના સપોર્ટમાં ઉતર્યો 'સિંઘમ'નો વિલન, બેશરમ રંગમાં બિકિની વિવાદ પર 'આતા માજી સટકલી', જુઓ શું કહ્યું

• પઠાણનુ નવુ ગીત બેશરમ રંગ ચાહકોને આવ્યું નાપસંદ
• અભિનેત્રીના બોલ્ડ કૉસ્ચ્યુમને લઇને લોકોએ વાંધો દર્શાવ્યો
• અભિનેતા પ્રકાશ રાજે અભિનેત્રીનો સપોર્ટ કર્યો

ગીત 'બેશરમ રંગે' લોકોને ખૂબ નિરાશ કર્યા

ફિલ્મ પઠાણના હાલમાં આઉટ થયેલા ગીત બેશરમ રંગે લોકોને ખૂબ નિરાશ કર્યા છે. ગીતને લઇને પહેલા દિવસથી હોબાળો થયો છે. ગીતમાં અભિનેત્રીના બોલ્ડ કૉસ્ચ્યુમને લઇને લોકોએ વાંધો દર્શાવ્યો છે. એવામાં અભિનેતા પ્રકાશ રાજે અભિનેત્રીનો સપોર્ટ કર્યો છે.

અભિનેત્રીની ભગવા રંગની બિકિનીને લઇને વાંધો દર્શાવ્યો 

ખરેખર, પઠાણનુ નવુ ગીત બેશરમ રંગ લોકોને કોઈ ખાસ પસંદ આવ્યું નથી. ગીતના અમુક સીનમાં અભિનેત્રીએ ભગવા રંગની બિકિની પહેરી છે, જે તેના માટે મુશ્કેલી બની રહી છે. કેટલાંક લોકોએ આ બોલ્ડ ગીતમાં અભિનેત્રીની ભગવા રંગની બિકિનીને લઇને વાંધો દર્શાવી ગીતના આ સીનને હટાવવાની માંગ કરી છે. એવામાં અભિનેતા પ્રકાશ રાજે દીપિકા પાદુકોણનો સપોર્ટ કરીને ટીકાકારોનો ખૂબ ઉધડો લીધો છે. 

Disgusting … How long should we tolerate these ..Colour Blind #AndhBhakts .. #justasking https://t.co/SSgxKpvcE9

— Prakash Raj (@prakashraaj) December 14, 2022

મધ્ય પ્રદેશમાં પઠાણ પર પ્રતિબંધની માંગ

આ ગીતને લઇને એટલો મોટો વિવાદ ઉભો થયો છે કે મધ્ય પ્રદેશના ઈન્દોરમાં શાહરૂખ ખાનના પુતળા સળગાવીને પઠાણ પર પ્રતિબંધ લગાવવાની માંગ કરાઈ રહી છે. પ્રકાશ રાજે તેના ટ્વિટર પર લખ્યું કે, 'ધૃણિત... ક્યા સુધી આને બર્દાશ્ત કરવુ જોઈએ..કલર બ્લાઈન્ડ.' સોશિયલ મીડિયામાં પ્રકાશ રાજનુ આ ટ્વિટ ઝડપથી વાયરલ થઇ રહ્યું છે. ઘણા સોશિયલ મીડિયા યુઝર્સ ટ્વવિટ પર પોતાની પ્રતિક્રિયા આપી રહ્યાં છે. પ્રકાશ રાજ પહેલા અભિનેત્રી પાયલ રોહતગીએ આ મુદ્દે દીપિકા પાદુકોણનો સપોર્ટ કર્યો છે.