- બોલીવુડ સુપરસ્ટાર દીપિકા પાદુકોણ આજે 38 વર્ષની થઈ ગઈ છે.
- દીપિકાને ખાવાનો ખૂબ જ શોખ છે અને દિવસમાં 6 વખત જમે છે.
- દરેક ચાહકો જાણવા માંગે છે કે દિપીકાની આ ફિટનેસનું રહસ્ય શું છે.
ફિલ્મ ઇન્ડસ્ટ્રીની એક એવી એક્ટ્રેસ છે જેની પહેલી બોલીવુડ ફિલ્મે જ કિસ્મત ચમકાવી દીધી હતી અને આજ સુધી તે લોકોના દિલ પર રાજ કરી રહી છે. આપણે વાત કરી રહ્યાં છીએ દીપિકા પાદુકોણની.. એક્ટ્રેસે છેલ્લાં 17 વર્ષોમાં પોતાના કામથી જોરદાર કમાણી કરી છે પછી તે સંપત્તિરૂપી હોય કે પછી લોકોનાં પ્રેમરૂપી.
બોલીવુડ સુપરસ્ટાર દીપિકા પાદુકોણ આજે 38 વર્ષની થઈ ગઈ છે અને અભિનેત્રીએ 2008માં ફિલ્મ ઓમ શાંતિ ઓમથી પોતાના કરિયરની શરૂઆત કરી હતી. ત્યારથી તેણીએ અત્યાર સુધીની કારકિર્દીમાં બૉલીવુડ ઇન્ડસ્ટ્રીમાં પોતાનું આગવું સ્થાન હાંસલ કર્યું છે. સાથે જ અભિનેત્રી ફિટનેસના મામલે બધાને પાછળ છોડી દે છે. દરેક ચાહકો જાણવા માંગે છે કે દિપીકાની આ ફિટનેસનું રહસ્ય શું છે.. તો ચાલો અમે તમને તેના વિશે જણાવીએ..
દિવસમાં 6 વખત ખાય છે દિપીકા
જણાવી દઈએ કે દીપિકા પાદુકોણને ખાવાનો ખૂબ જ શોખ છે અને પોતાની ફિટનેસને ધ્યાનમાં રાખીને હેલ્ધી ફૂડ ખાવાનું પસંદ કરે છે. જો આપણે દીપિકાના આહાર વિશે વાત કરીએ તો તે દિવસમાં 6 વખત ખાય છે. સામાન્ય લોકો પણ તેના ડાયટ પ્લાન અને ફિટનેસ રૂટીનને ફોલો કરી શકે છે.
નાસ્તો
દીપિકા પાદુકોણ એક એવી અભિનેત્રી છે જે પોતાની ફિટનેસને ટોચ પર રાખે છે. દીપિકા સૌથી પહેલા મધ અને લીંબુ મિક્સ કરીને ગરમ પાણી પીવે છે. આ પછી નાસ્તામાં બે અને બે બદામ સાથે બે ઈડલી અથવા સાદા ઢોસા અથવા ઉપમા ખાઈ છે. આ સિવાય તે રોજ એક કપ લો ફેટ દૂધ પણ પીવે છે.
લંચ
દીપિકા લંચમાં સાદું ખાવાનું પસંદ કરે છે. જે પ્રોટીનથી ભરપૂર હોય છે. તે દરરોજ કઠોળ, રોટલી અને શાક લે છે. આ સાથે દહીંનો પણ તેના આહારમાં સમાવેશ કરે છે. આ તમામ ખોરાક મર્યાદિત માત્રામાં લે છે અને પોતાની જાતને હાઇડ્રેટ રાખવા માટે જ્યુસ, નાળિયેર પાણી અથવા સ્મૂધી પીવાનું પસંદ કરે છે.
નાસ્તો
નાસ્તાની વાત કરીએ તો દીપિકા સાંજે બદામ સાથે અખરોટ ખાય છે. આ સિવાય તેને ફિલ્ટર કોફી પણ પીવે છે.
ડિનર
દીપિકા ડિનરમાં રોટલી, લીલા શાકભાજી અને સલાડ ખાવાનું પસંદ કરે છે. આ સાથે તે ફળોનું સેવન પણ કરે છે.
વધુ વાંચો: બોલીવુડની એ હિરોઇન કે જે મોડલમાંથી બની એક્ટ્રેસ, આજે કમાય છે કરોડોમાં, પહેલી જ ફિલ્મે બનાવી દીધી સુપરસ્ટાર
મીઠાઈ
દીપિકાને મીઠાઈઓ ખૂબ જ પસંદ છે અને તેની ફિટનેસને ધ્યાનમાં રાખીને તેને ડેઝર્ટમાં ચોકલેટ ખાવાનું પસંદ છે. હેલ્ધી ડાયટની સાથે તે ઘણી કસરત પણ કરે છે અને પોતાને શેપમાં રાખે છે. તે દરરોજ યોગા કરવાનું પણ પસંદ કરે છે.
