દેશ / પૈસા નહીં પ્રતિક્ષા! સરકારી કર્મચારીઓને હાથ લાગી નિરાશા, આજે સરકારે અચાનક લઈ લીધો આ નિર્ણય

• મોંઘવારી ભથ્થાનો નિર્ણય ન આવતા કર્મચારીઓ પરેશાન
• આશા હતી કે આજે લેવાશે આ અંગે નિર્ણય
• પરંતુ કર્મચારીઓને વધુ સમય જોવી પડશે રાહ

સરકાર નિયમાનુસાર મોંઘવારી ભથ્થું જાન્યુઆરી અને જૂલાઈ આસપાસ આપે છે. મોટાભાગે તેની ઘોષણા હોળી અને દીવાળી પહેલાં થતી હોય છે. આ મોંઘવારી ભથ્થું કર્મચારીઓની સેલેરીમાં ઊમેરવામાં આવતું હોય છે. પરંતુ આ વખતે હોળી સુધી પણ તેની કોઈ ઘોષણા કરવામાં આવી નથી. 

વધુ સમય જોવી પડશે રાહ
આજે કર્મચારીઓ આશા રાખી રહ્યાં હતાં કે આજે થનારી કેબિનેટ મિટીંગમાં નરેન્દ્ર મોદી આ મુદા પર નિર્ણય લેશે પરંતુ સૂત્રોની માહિતી અનુસાર આજે પણ આ મીટિંગ કેન્સલ થઈ છે. હોળી પહેલા આ મુદાને આવતી બેઠક માટે પોસ્ટપોન કરવામાં આવી હતી અને હોળી બાદ બેઠક ન યોજાતા સરકારી કર્મચારીઓને હજુ થોડા સમય સુધી રાહ જોવી પડી શકે છે. આશરે 1 અઠવાડિયા બાદ આ અંગે કોઈ નિર્ણય આવી શકે છે.

વધી રહેલી મોંઘવારીથી લોકો પરેશાન
હાલમાં જ છૂટક ફુગાવો જાન્યુઆરી મહિનામાં ત્રણ મહિનાનાં સૌથી ઉચ્ચ સ્તર 6.52% પર પહોચ્યો હતો. ફેબ્રુઆરીમાં જથ્થાબંધ ફુગાવાનો મોંઘવારી દરનો આંકડો હાલમાં કાબૂમાં આવ્યો છે જેના કારણે મોંઘવારી થોડી સ્થિર થઈ છે. ગ્રાહક ભાવ સૂચકાંક આધારિત ફુગાવો ડિસેમ્બરમાં 5.72% અને જાન્યુઆરી 2022માં 6.1% હતો. ખાદ્ય પદાર્થોનો મોંઘવારી દર 5.94% જે ડિસેમ્બરમાં 4.19% હતો. આ આંકડાઓ જણાવી રહ્યાં છે કે ખાવા-પીવાની સામગ્રીમાં થતાં ભાવવધારાથી લોકો પરેશાન છે.