- રાહુલ ચહર બંધાઈ ચુક્યા છે લગ્નનાં બંધનમાં
- ભારત માટે કરી ચુક્યા છે ડેબ્યૂ
- દીપક ચહરની પણ થુઈ ચુકી છે સગાઈ
રાહુલ ચહર બંધાઈ ચુક્યા છે લગ્નનાં બંધનમાં
ભારતીય ક્રિકેટર રાહુલ ચહર પોતાની ગર્લફ્રેન્ડ ઇશાની સાથે લગ્નના બંધનમાં બંધાઈ ગયા છે. લેગ સ્પિનરે ગોવામાં બુધવારે ડેસ્ટીનેશન વેડિંગ સાથે નવા જીવનની શરૂઆત કરી છે. તેમના પત્ની ઇશાની પ્રોફેશનમાં ફેશન ડિઝાઈનર છે. આગ્રાનાં રહેવાસી રાહુલ ચહરે ડિસેમ્બર 2019માં જયપુરમાં બેંગ્લોરની ઇશાની જોહર સાથે સગાઇ કરી હતી. બંને લાંબા સમયથી એકબીજાને ડેટ કરી રહ્યા હતા.
રાહુલનાં લગ્નનાં સમયે તેમનો પરિવાર પણ સાથે રહ્યો. તેમના ભાઈ તથા ભારતીય ક્રિકેટર દીપક ચાહર પોતાની મંગેતર તથા બહેન માલતી ચાહર સાથે હાજર રહ્યા. ગોવાની હોટલ ડબલ્યૂમાં રાહિલ ચાહર તથા ઈશાનીનાં લગ્ન થયા. મંગળવારે મહેંદી બાદ રાહુલ ચાહરે ઇસાની સાથે પોતાની તસવીરો ફેસબુક પર શેર કરી હતી. પહેલો દિવસ મહેંદીનાં રંગોથી ભર્યો રહ્યો. લગ્નનું રિસેપ્શન 12 માર્ચનાં રોજ રહેશે.
IPLમાં મળી મોટી રકમ
રાહુલ ભારત માટે વનડે તથા ટી20 મેચ રમી ચુક્યા છે. તેઓ અત્યાર સુધી મુંબઈ ઇન્ડિયન્સ માટે રમતાં હતા, પરંતુ આ વખતે તેઓ પંજાબ કિંગ્સ તરફથી રમશે. IPL મેગા ઓક્શન 2022માં રાહુલને 5.25 કરોડની મોટી રકમ મળી છે. IPLમાં પહેલી વાર તેઓ મુંબઈ સિવાય કોઈ બીજી ટીમ માટે રમશે. 2018થી લઈને 2021 સુધી રાહુલ મુંબઈન ટીમનો હિસ્સો બની રહ્યા હતા.
ભારત માટે કરી ચુક્યા છે ડેબ્યૂ
આહુલે ભારત માટે એક વન ડે તથા 5 ટી20 મેચ રમી છે. એક વન ડેમાં તેમના નામે ત્રણ વિકેટ છે, જ્યારે 5 ટી20 મેચમાં તેમણે 7 વિકેટ લીધી છે.
દીપક ચહરની પણ થુઈ ચુકી છે સગાઈ
રાહુલ ચાહર ઉપરાંત તેમના ભાઈ દીપક ચહરની પણ સગાઇ થઇ ચુકી છે. તેમણે પોતાની ગર્લફ્રેન્ડ જયા ભારદ્વાજને IPL મેચ દરમિયાન સ્ટેડિયમમાં જ પ્રપોઝ કરી હતી. દીપક પણ જલ્દી જ લગ્નના બંધનમાં બંધાઈ શકે છે.
