ચુકાદો / કોઈની સામે અશ્લીલ હરકત કરવી એ યૌન શોષણ: 60 વર્ષિય વૃદ્ધને કોર્ટે દોષિત ઠેરવ્યો

• મુંબઈની એક વિશેષ અદાલતે યૌન શોષણના કેસમાં સુનાવણી કરી
• બાળકને જોઈ ગંદી હરકત કરવા બદલ 60 વર્ષિય વૃદ્ધને દોષિત ઠેરવ્યા
• કોર્ટે કહ્યું કે, આ સમાજમાં ખતરનાક સાબિત થઈ શકે 

મુંબઈની એક વિશેષ અદાલતે બાલ યૌન શોષણના કેસમાં 60 વર્ષિય આરોપીને દોષિત ઠેરવતા કહ્યું કે, કોઈ અન્ય વ્યક્તિની હાજરીમાં અશ્લીલ હરકત કરવી તેના યૌન ઈરાદા સ્પષ્ટ કરવા માટે પુરતા છે. બાળકોને યૌન અપરાધોને સંરક્ષણ આપતા પોક્સો કાયદા અંતર્ગત વિશેષ ન્યાયાધીશ પ્રિયા બનકરે 29 ઓગસ્ટના રોજ આરોપીને દોષિત ઠેરવી અને તેને એક વર્ષના કારાવાસની સજા સંભળાવી હતી. આ આદેશ ગુરુવારે આપ્યો હતો. 

ફરિયાદી અનુસાર ચાર વર્ષની પીડિત બાળક જ્યારે પોતાના ઘરની પાસે આરોપીની સિલાઈની દુકાન પર ગયું તો તેણે જોયું કે, આરોપી અશ્લીલ હરકત કરતો હતો. આરોપીના વકીલે દલીલ આપી હતી કે, તેણે છોકરાને દુકાન પર નથી બોલાવ્યો અને ન તો તે છોકરા પાસે ગયો હતો. 
    
કોર્ટે પોતાના ચુકાદામાં કહ્યું કે, આ સત્ય છે કે, બાળકે ભૂલથી આ માણસની હરકતને જોઈ લીધી, પણ આરોપીની દુકાન નાની છે અને નજીકમાંથી પસાર થતાં કોઈ પણ વ્યક્તિ ત્યાંથી પસાર થનાર આ હરકત જોઈ શકતા હતા. 
     
કોર્ટે કહ્યું કે, આ ઘટનાના પીડિત, તેના પરિવારના સભ્યો અને ત્યાં સુધી કે સમાજ પર ઊંડો પ્રભાવ પડે છે, તથા આવી ધારણ છે કે, ઘર અને તેની આજૂબાજૂના ક્ષેત્રના બાળકો માટે સુરક્ષિત નથી. કોર્ટે કહ્યું કે, તેનાથી સમાજમાં એક ખતરનાક સ્થિતિ ઊભી થઈ શકે છે.