10 ફોટો ગેલેરી

કામની વાત / રિટાયરમેન્ટ પછી પણ દર મહિને થશે 50,000ની આવક, જાણો NPS શું છે અને કેટલું કરવું પડશે રોકાણ?

Last Updated: 11:04 PM, 9 August 2026

FOLLOW ON

શેર કરો

NPS એ લાંબા ગાળાની સ્વૈચ્છિક યોજના છે જે 60 વર્ષ બાદ આજીવન પેન્શન અને ટેક્સ-ફ્રી એકમુશ્ત રકમ આપે છે, સાથે 80C અને 80CCD(1B) હેઠળ ટેક્સ છૂટ પણ મળે છે. ચાલો આજે તેના લાભ વિષે જાણીએ.

1/10

1. નેશનલ પેન્શન સિસ્ટમ

રિટાયરમેન્ટ બાદ નાણાકીય સ્વતંત્રતા અને જરૂરિયાતો પૂરી કરવા માટે સાચા સમયે સાચી જગ્યાએ રોકાણ કરવું ખૂબ જરૂરી છે. આ જરૂરિયાતને ધ્યાનમાં રાખીને કેન્દ્ર સરકારે નેશનલ પેન્શન સિસ્ટમ (NPS) યોજના ચલાવી છે. આ એક સ્વૈચ્છિક અને લાંબા ગાળાની રિટાયરમેન્ટ સ્કીમ છે જે રોકાણકારોને 60 વર્ષની ઉંમર પછી આજીવન નિશ્ચિત પેન્શન અને એકમુશ્ત મોટો ફંડ બનાવવાની તક આપે છે. આ યોજનાનું રેગ્યુલેશન PFRDA દ્વારા થાય છે. શેર બજાર અને બોન્ડના કોમ્બિનેશનને કારણે NPSમાં પરંપરાગત બચત યોજનાઓની સરખામણીમાં સરેરાશ 9%થી 12% રિટર્ન મળે છે.

આ તસવીર શેર કરો

2/10

2. 50,000 રૂપિયા માસિક પેન્શન મેળવવાનું ગણિત

જો તમે 60 વર્ષની ઉંમરે 50,000 રૂપિયા પ્રતિ મહિને પેન્શન મેળવવા માંગતા હોવ તો જરૂરી રોકાણ તમારી વર્તમાન ઉંમર પર નિર્ભર કરે છે. જો તમારી ઉંમર 25 વર્ષ હોય અને રોકાણનો સમયગાળો 35 વર્ષનો હોય તો નીચેની રીતે રોકાણ કરવાથી રિટાયરમેન્ટ વખતે એકસાથે 3 કરોડ રૂપિયા અને 50,000 રૂપિયા પ્રતિ મહિને પેન્શન મેળવી શકાય છે.

આ તસવીર શેર કરો

3/10

3. ગણિત

જેમાં માસિક રોકાણ લગભગ 14,000થી 15,000 રૂપિયા કરવું. જેમાં 60 વર્ષે કુલ ફંડ5 કરોડ રૂપિયા થાય. એકસાથે રોકડ ઉપાડ 60% ભાગ સંપૂર્ણપણે ટેક્સ ફ્રી, એટલે 3 કરોડ રૂપિયા મળે. જેમાં પેન્શન માટે 40% Annuity ભાગ 2 કરોડ રૂપિયા અને માસિક પેન્શન 50,000 રૂપિયા મળે છે.

આ તસવીર શેર કરો

4/10

4. નોંધ

આ ગણતરી રોકાણ પર સરેરાશ 10% વાર્ષિક રિટર્ન અને રિટાયરમેન્ટ બાદ Annuity પર 6% વ્યાજ દરના અંદાજ પર આધારિત છે. તેમાં રિટાયરમેન્ટ વખતે કુલ Corpusના 40% ભાગને Annuityમાં જમા કરવામાં આવ્યો છે.

આ તસવીર શેર કરો

5/10

5. NPS યોજના કેવી રીતે કરે છે કામ ?

NPSમાં રોકાણકારો દ્વારા જમા કરાયેલા પૈસાને એક્સપર્ટ ફંડ મેનેજર્સ Equity, સરકારી બોન્ડ (GSec) અને કોર્પોરેટ બોન્ડમાં રોકાણ કરે છે. આ યોજનામાં મેચ્યોરિટીની ઉંમર 60 વર્ષ રાખવામાં આવી છે. રિટાયરમેન્ટ વખતે તમે કુલ જમા ફંડનો 60% ભાગ એકસાથે કાઢી શકો છો, જે આવકવેરા કાયદા હેઠળ સંપૂર્ણપણે ટેક્સ ફ્રી છે. બાકીનો 40% ભાગ પેન્શન ફંડમાં લોક થાય છે જેમાંથી કોઈ ઇન્શ્યોરન્સ કંપની આજીવન દર મહિને નિશ્ચિત પેન્શન આપે છે.

આ તસવીર શેર કરો

6/10

6. NPSના ફાયદા અને વિશેષતા

NPS યોજના આવકવેરા કાયદાની કલમ 80C હેઠળ 1.5 લાખ સુધી અને કલમ 80CCD (1B) હેઠળ અલગથી 50,000ની વધારાની ટેક્સ છૂટ મળે છે જેમાં કુલ મળીને 2 લાખ સુધી મળે છે. PFRDA દ્વારા સંચાલિત હોવાથી આ એક પારદર્શક અને સંપૂર્ણ સુરક્ષિત યોજના છે. Tier-I ફરજિયાત પેન્શન ખાતું છે જેમાં રિટાયરમેન્ટ પહેલાં સંપૂર્ણ નિકાસીની મંજૂરી નથી. Tier-II સ્વૈચ્છિક બચત ખાતું છે જેમાં તમે ગમે ત્યારે પૈસા જમા કરી શકો અને જરૂર પડે ત્યારે કાઢી શકો છો. ઘણા લોકોને એવો પણ ભ્રમ છે કે આ યોજના માત્ર સરકારી કર્મચારીઓ માટે છે પણ હકીકત એવી નથી. 18થી 70 વર્ષની ઉંમરનો કોઈ પણ ભારતીય નાગરિક પોતાનું NPS ખાતું ખોલાવીને સુંદર ભવિષ્યની શરૂઆત કરી શકે છે.

આ તસવીર શેર કરો

7/10

7. NPS અકાઉન્ટ ઓનલાઈન કેવી રીતે ખોલવું?

NPSમાં રોકાણ શરૂ કરવા માટે તમે મોબાઈલ કે કોમ્પ્યુટરની મદદથી મિનિટોમાં કોઈ કાગળી કાર્યવાહી વગર અકાઉન્ટ ખોલી શકો છો અને તરત જ 12 અંકનો PRAN (Permanent Retirement Account Number) જનરેટ કરી શકો છો. નીચેની ગાઈડ અનુસાર રજિસ્ટ્રેશન પૂરું કરો.

આ તસવીર શેર કરો

8/10

8. રજિસ્ટ્રેશન માટે જરૂરી ડોક્યુમેન્ટ

આધાર સાથે લિંક મોબાઈલ નંબર અને ઈમેઈલ ID, ઓળખ અને સરનામાનો પુરાવો: PAN Card અને આધાર કાર્ડ, સ્કેન ફોટો અને સહી સહીની સ્કેન કોપી (JPEG ફોર્મેટ, 4KBથી 12KB વચ્ચે), બેંક વિગતોનો પુરાવો, પેમેન્ટ માધ્યમ માટે Net Banking, UPI અથવા Debit/Credit Cardની જરૂર પડશે.

આ તસવીર શેર કરો

9/10

9. eNPS પોર્ટલ દ્વારા ઓનલાઈન રજિસ્ટ્રેશનની રીત

eNPS વેબસાઈટ કે KFintech/CAMS પોર્ટલ પર જાઓ. અહીંયા New Registration પર ક્લિક કરો અને તમારી કેટેગરી (Individual Citizen, Corporate Subscriber અથવા Government Employee) પસંદ કરો. જેમાં ખાતાનો પ્રકાર (Tier Type) પસંદ કરો – Tier I (ફરજિયાત રિટાયરમેન્ટ ખાતું, ટેક્સ છૂટ સાથે) અથવા Tier I & Tier II. બાદમાં આધાર અથવા PAN આધારિત વેરિફિકેશન પસંદ કરો અને OTP દાખલ કરો. પછી પર્સનલ અને બેંક વિગતો ભરો. અને પસંદગીનો પેન્શન ફંડ મેનેજર (PFM) અને Investment Option પસંદ કરો – Auto Choice (ઉંમર મુજબ ઓટો એસેટ એલોકેશન) કે Active Choice. ફોટો, સહી અને Cancelled Cheque અપલોડ કરો. બાદમાં પ્રારંભિક યોગદાન ભરો – Tier I માટે ઓછામાં ઓછા 500 રૂપિયા અને Tier II માટે 1,000 રૂપિયા. આ પેમેન્ટ સફળ થતાં જ 12 અંકનો PRAN તરત જનરેટ થશે. આધાર eSignથી અરજીને ડિજિટલી વેરીફાઈ કરો.

આ તસવીર શેર કરો

10/10

10. ફીજીકલી NPS ખાતું આ રીતે ખોલવું

તમારી નજીકની પોઈન્ટ ઓફ પ્રેઝન્સ સર્વિસ પ્રોવાઈડર બેંક બ્રાંચ કે નાણાકીય સંસ્થાની મુલાકાત લો. અહીંયા કોમન સબસ્ક્રાઇબર રજીસ્ટ્રેશન ફોર્મ મેળવો કે ડાઉનલોડ કરો. આ ફોર્મ ભરો, તમારો પાસપોર્ટ-સાઈઝનો ફોટો લગાવો, સહી કરો અને તમારા PAN, આધાર અને રદ કરાયેલ ચેકની સેલ્ફ અટેસ્ટેડ ફોટોકોપી જોડો. પછી 500 રૂપિયાના મીનીમમ પ્રારંભિક કોન્ટ્રીબ્યુશનસાથે કાઉન્ટર પર ફોર્મ સબમિટ કરો. તમારા ડોક્યુમેન્ટના વેરીફીકેશન પછી, તમારું PRAN કાર્ડ તમારા નોંધાયેલા સરનામાં પર મોકલવામાં આવશે.

આ તસવીર શેર કરો

સંકળાયેલા મુદ્દાઓ

NPS scheme financial independence fixed pension