સ્વાસ્થ્ય / જરૂરિયાતથી વધારે માત્રામાં પ્રોટીન ડાયટ લેવું સ્વાસ્થ્ય માટે છે હાનિકારક, ભૂલથી પણ આ લક્ષણો દેખાય તો ચેતી જજો

Health News: સ્વસ્થ રહેવા માટે ડાયેટમાં પ્રોટીનથી ભરપૂર ખોરાકને શામેલ કરવા જરૂરી છે.પરંતુ જો તમે જરૂરિયાત કરતા વધારે તેનું સેવન કરી રહ્યાં છો તો તમારા સ્વાસ્થ્ય માટે તે જોખમી સાબિત થઇ શકે છે. શરીરમાં પ્રોટીનની વધારે પડતી માત્રા કિ઼ડની, હૃદય અને હાડકાને લગતી ગંભીર બીમારીઓને આમંત્રણ આપી શકે છે. માટે આ પાંચ લક્ષણોને સમજો. જેનાથી તમે જાણી શકશો કે તમારા શરીરમાં પ્રોટીનની વધારે પડતી માત્રાથી શું અસર થાય છે.

સ્વસ્થ રહેવા માટે હાઇ પ્રોટીન ખોરાક જરૂરી છે. તે શરીરમાં લોહીનું પરિભ્રમણ અને રોગપ્રતિકારક શક્તિ વધારવામાં મદદ કરે છે. નર્વસ સિસ્ટમ એક્ટિવ કરે છે અને શરીરનો વિકાસ સારો થાય છે. એટલું જ નહીં ત્વચા, વાળ અને માસપેશીઓને મજબૂત કરવા માટે પણ ખૂબ જ જરૂરી છે. 

હેલ્થ એક્સપર્ટના મતે શરીરમાં પ્રોટીનની જરૂરીયાત વ્યક્તિની ઉંમર તેની કાર્યક્ષમતા અને સ્વાસ્થ્ય પર નિર્ભર છે. તજજ્ઞોના મતે સ્વસ્થ રહેવા માટે અને બોડી કંપોજીશન માટે તે ખૂબ જ જરૂરી છે. માટે શરીરના વજન પ્રમાણે પ્રોટીન લેવું ફાયદાકારક છે.વધારે પડતા પ્રોટિનને કારણે શરીરમાં આડ અસર થાય છે. 

જો તમે વધારે માત્રામાં પ્રોટિન લઇ રહ્યાં છો તો તમને કિડનીમાં પથરી થવાની શક્યતા છે. જેના કારણે તમને વારંવાર પેશાબ લાગે છે. સંશોધનમાં સામે આવ્યું છે કે જ્યારે તમે વધારે માત્રમાં એનિમલ બેઇઝ પ્રોટીન અને વધારે કેલ્શિયમનું સેવન કરતો છો તો યુરિક એસિડનું પ્રમાણ શરીરમાં વધી જાય છે અને કિડનીમાં પથરી થાય છે.

જો તમે કબજીયાતની સમસ્યાનો સામનો કરી રહ્યાં છો તે પણ હાઇ પ્રોટીન સેવનનું જ એક કારણ છે. કારણ કે હાઇ પ્રોટીન ખોરાકમાં ફાઇબરની માત્રા વધારે હોય છે. જેના કારણે પાચનપ્રક્રિયામાં સમસ્યા સર્જાય છે અને કબજીયાતની તકલીફ થાય છે. માટે આવી સ્થિતિમાં પ્રોટીન અને ફાયબરનો બેલેન્સ ડાયર જરૂરી છે.

થાક લાગવો અને વધારે ભૂખ લાગવી તે પણ એક મુખ્ય લક્ષણ છે. કેટલાક લોકો હાઇ પ્રોટીન ખોરાક ખાય છે અને કાર્બોહાઇડ્રેટ નથી લેતા.જેના કારણે પેટ ખાલી લાગે છે અને તાકાત પણ નથી રહેતી અને વારંવાર ભૂખ લાગે છે.

જો તમારા મોઢામાંથી વાસ મારી રહી છે તો તેમણ હાઇ પ્રોટીનનું જ એક કારણ છે. આવું ત્યારે થાય છે જ્યારે તમે તમારા ડાયેટમાં પ્રોટીન વધારવાના ચક્કરમાં કાર્બોહાઇડ્રેટ, ફાયબર જેવા તત્વોની અવગણના કરો છે. જેના કારણે કેટોન્સની માત્રા વધી જાય છે. અને મોઢામાંથી વાસ મારે છે.

વધુ વાંચોઃ જો શરીરમાં દેખાય આ સંકેત, તો ચેતી જજો, બેડ કોલેસ્ટ્રોલમાં થઇ શકે છે વધારો

આમ શરીરમાં વધારે પ્રોટિન માટે એનિલ પ્રોટીનના સેવનથી તમારા શરીરને ફાયદા તો થાય છે. સાથે સાથે જેનાથી નુકસાન પણ થાય છે. માટે જ રોજ જરૂરિયાત પ્રમાણે પ્રોટીનનું સેવન કરવું જોઇએ. પ્લાંટ ફૂડને ડાયેટમાં શામેલ કરવા જોઇએ અને શક્ય હોય ત્યાં સુધી બેલેન્સ ડાયેટ તરીકે પ્રોટીનને તમારા ભોજનનો ભાગ બનાવવો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો