સુવિધા / હવેથી અમદાવાદ એરપોર્ટ પર કર્મચારી જ માલિકને કાર આપી જશે, વાહનો પાર્ક કરતા શહેરીજનો માટે મહત્વના સમાચાર

• અમદાવાદ એરપોર્ટ પર વેલેટ પાર્કિંગની સુવિધાની શરૂઆત
• અમદાવાદ એરપોર્ટ વેલેટ પાર્કિંગની સુવિધા ધરાવતું દેશનું ચોથું એરપોર્ટ
• મુંબઈમાં વેલેટ પાર્કિંગની સુવિધાને સારો પ્રતિસાદ મળતા અમદાવાદમાં શરૂ કરાઈ સુવિધા
• વેલેટ પાર્કિંગના કારણે વાહનચાલકોને વાહન પાર્ક કરવામાં રહેશે સરળતા
• વેલેટ પાર્કિંગનો ચાર્જ એક કલાકે રૂપિયા 150નો રહેશે

Ahmedabad Airport Valet Parking : અમદાવાદ એરપોર્ટ પર વાહનો લઈ જતાં લોકો માટે એક મોટા અને સારા સમાચાર સામે આવ્યા છે. વાત જાણે એમ છે કે, અમદાવાદ એરપોર્ટ પર વેલેટ પાર્કિંગ સુવિધા શરૂ કરવામાં આવી છે. હવે તમને થાય કે આ વેલેટ પાર્કિંગ સુવિધા એટલે શું ? મતલબ કે વેલેટ પાર્કિંગમાં જે તે કર્મચારી જ વાહન પાર્ક કરશે અને માલિકને આપી જશે. જોકે વેલેટ પાર્કિંગ માટે ચાર્જ પણ નક્કી કરાયો છે. જેથી હવે વેલેટ પાર્કિંગને કારણે વાહનચાલકોને વાહન પાર્ક કરવામાં સરળતા રહેશે. 

વધુ વાંચો: તલાટી-જુનિયર ક્લાર્કના ઉમેદવારો આ નોટ કરી લેજો, વેઈટિંગ લિસ્ટને લઇ સામે આવી સૌથી મોટી અપડેટ

અમદાવાદ આંતરરાષ્ટ્રીય એરપોર્ટ પર દરરોજ અનેક મુસાફરો આવતા હોય છે. જેમાં કોઈને લેવા અને મૂકવા માટે પણ અનેક લોકો વાહન લઈને આવતા હોય છે. જોકે હવે અમદાવાદ એરપોર્ટ પર વાહનો લઈને જતા લોકો માટે એરપોર્ટ પર વેલેટ પાર્કિંગ સુવિધા શરૂ કરવામાં આવી હતી. વેલેટ પાર્કિંગમાં કર્મચારી જ વાહન પાર્ક કરશે અને માલિકને આપી જશે. વેલેટ પાર્કિંગ માટે એક કલાકના રૂપિયા 150 ચાર્જ નક્કી કરવામાં આવ્યો છે. મહત્વનું છે કે, મુંબઈમાં વેલેટ પાર્કિંગની સુવિધાને સારો પ્રતિસાદ મળતા અમદાવાદમાં સુવિધા શરૂ કરવામાં આવી. જોકે હવે અમદાવાદ એરપોર્ટ વેલેટ પાર્કિંગની સુવિધા ધરાવતું દેશનું ચોથું એરપોર્ટ બન્યું છે.