ક્રિકેટ / T20 વર્લ્ડ કપ પહેલા ખરાબ સમાચાર, વિસ્ફોટક બેટ્સમેને અચાનક કરી સંન્યાસની જાહેરાત

ન્યૂઝીલેન્ડના વિસ્ફોટક બેટ્સમેન કોલિન મુનરોએ પોતાના ફેંસને જોરદાર ઝટકો આપ્યો છે. 37 વર્ષની ઉંમરમાં આ ખતરનાર બેટ્સમેને ઈન્ટરનેશનલ ક્રિકેટમાંથી સન્યાસની જાહેરાત કરી દીધી છે. ટી20 ઈન્ટરનેશનલમાં ત્રણ સેન્ચુરી મારનાર આ ખૂંખાર બેટ્સમેને તત્કાળ પ્રભાવથી ઈન્ટરનેશનલ ક્રિકેટને અલવિદા કહી દીધુ છે.

કોલિન મુનરોએ છેલ્લા 4 વર્ષથી ન્યૂઝીલેન્ડના સામે એક પણ ઈન્ટરનેશનલ મેચ નથી રમી. લાંબા સમય સુધી ટીમથી બહાર રાખવામાં આવ્યા બાદ આખરે આ બેટ્સમેને પોતાના કરિયરને લઈને મોટો નિર્ણય કરી લીધો છે. કોલિન મુનરોએ ન્યૂઝીલેન્ડ માટે પોતાની છેલ્લી ઈન્ટરનેશનલ મેચ 2 ફેબ્રુઆરી 2020એ ભારતના સામે બે-ઓવલમાં રમી હતી. કોલિન મુનરોએ ન્યૂઝીલેન્ડ માટે 1 ટેસ્ટ, 57 વનડે અને 65 ટી20 ઈન્ટરનેશનલ મેચ રમી છે.

બેટ્સમેને અચાનત કરી સંન્યાસની જાહેરાત

કોલિન મુનરોએ ન્યૂઝીલેન્ડના માટે 57 વનડે મેચોમાં 24.92ની સરેરાશથી 1271 રન બનાવ્યા છે જેમાંથી 8 હાફ સેન્ચુરી પણ શામેલ છે. આ સમય દરમિયાન તેમનો બેસ્ટ સ્કોર 87 રન રહ્યો. વનડેમાં કોલિન મુનરોનના નામે 7 વિકેટ છે અને તેમનું બેસ્ટ પ્રદર્શન 10 રન આપીને 2 વિકેટ રહ્યું છે. કોલિન મુનરોએ ન્યૂઝીલેન્ડ માટે 65 ટી20 ઈન્ટરનેશનલ મેચોમાં 31.35ની સરેરાશથી 1724 રન બન્યા છે. જેમાં 3 સેન્ચુરી અને 11 હાફ સેન્ચુરી શામેસ છે. આ સમય દરમિયાન બેસ્ટ સ્કોર 109 રન રહ્યો.

વધુ વાંચો: ICMRએ હેલ્ધી આહાર માટે શેર કરી ગાઈડલાઈન, જાણો એક દિવસમાં કેટલું અને શું ખાવું

ટી20 ઈન્ટરનેશનલમાં કોલિન મુનરોના નામે 4 વિકેટ છે અને તેમનું બેસ્ટ પ્રદર્શન 12 રન આપીને 1 વિકેટ રહ્યું છે. કોલિન મુનરોએ ન્યૂઝીલેન્ડ માટે 1 ટેસ્ટ મેચમાં 15 રન બનાવ્યા છે. 1 ટેસ્ટ મેચમાં કોલિન મુનરોના નામે 2 વિકેટ લેવાનો રેકોર્ડ નોંધાયો છે અને તેમનું બેસ્ટ પ્રદર્શન 40 રન આપીને 2 વિકેટનું રહ્યું છે.