- શિયાળો આવતાની સાથે જ લોકોની આદત બદલવાની પણ શરૂ થઈ ગઈ
- ઠંડીમાં વધુ પડતાં લોકો ઠંડુ પાણી પીવાથી બચે છે અને ગરમ પાણી પીવે છે
- શિયાળામાં ઠંડુ કે નવશેકું પાણી પીવાથી શરીરને કોઈ નુકસાન થતું નથી
દેશમાં ઠંડીની સિઝન શરૂ થઈ ગઈ છે અને શિયાળો આવતાની સાથે જ લોકોની આદત બદલવાની પણ શરૂ થઈ ગઈ છે. ઠંડીમાં વધુ પડતાં લોકો ગરમ પાણી પીવે છે અને ફ્રીઝ કે માટલાંનું ઠંડુ પાણી પીવાથી બચે છે. સામાન્ય રીતે દરેક લોકોનું એવું માનવું છે કે શિયાળામાં ઠંડુ પાણી પીવાથી એમની તબિયત ખરાબ થઈ શકે છે.
આ સાથે જ ઘણા નિષ્ણાતો પણ શિયાળામાં હુંફાળું કે નવશેકું પાણી પીવાની સલાહ આપ છે. હવે અંહી સવાલ એ છે કે શું સાચે શિયાળાની ઋતુમાં ગરમ પાણી પીવું જોઈએ અને ઠંડુ પાણી પીવાથી બચવું જોઇએ? ચાલો તેના સાથે જોડાયેલ થોડા ફેક્ટ્સ વિશે વાત કરીએ..
એક સ્ટડી અનુસાર શિયાળામાં ઠંડુ કે નવશેકું પાણી પીવાથી શરીરને કોઈ નુકસાન થતું નથી. તેની સાથે જ લોકો કહે છે કે ઠંડુ પાણી પીવાથી સ્વાસ્થ્યને નુકસાન થાય છે તો એ વાતને સાચી કરતાં કોઈ વૈજ્ઞાનિક પુરાવા પણ હજુ સુધી મળી આવ્યા નથી . હા, એક વાત છે કે જો તમને શરદી, ઉધરસ અથવા તાવ આવ્યો છે તો આવી સ્થિતિમાં શિયાળો હોય કે ઉનાળો, ગમે તે ઋતુમાં ઠંડુ પાણી પીવાનું ટાળવું જોઈએ. આ સાથે જ મહત્વનું છે કે શિયાળામાં પણ દરેક વ્યક્તિએ યોગ્ય માત્રામાં પાણી પીવું જોઈએ, જેથી ડિહાઈડ્રેશનનો કોઈ ખતરો ન રહે.
હવે જો ગરમ પાણીના ફાયદા વિશે વાત કરી તો શિયાળામાં હુંફાળું કે નવશેકું પાણી પીવાથી પાચનતંત્રમાં સુધારો થાય છે. ગરમ પાણી શરીરમાંથી ઝેરી તત્વોને દૂર કરવામાં મદદ મળે છે. જો કે એક ગેરફાયદો પણ થાય છે, લાંબા સમય સુધી ગરમ પાણી પીવાથી ઓછી તરસ લાગશે અને આ સ્થિતિમાં શરીરનું હાઇડ્રેશન બગડી શકે છે.
એટલા માટે જ્યારે પણ હુંફાળું પાણી પીઓ ત્યારે ધ્યાન રાખો કે પાણી વધુ ગરમ ન હોવું જોઈએ અને સમયાંતરે પાણી પિતા રહેવું જોઇએ. સાથે જ આયુર્વેદમાં ગરમ પાણીને સ્વાસ્થ્ય માટે ખૂબ જ ફાયદાકારક માનવામાં આવે છે. એટલા માંટે ધ્યાન રાખીને શિયાળામાં નવશેકું પાણી પીવું ફાયદાકારક છે.
એટલે હવે જો નવશેકું પાણી પીવાથી પણ શરીરને કોઈ નુકસાન થાય છે જો તમે એવું વિચારતા હોવ તો તે તદ્દન ખોટું છે. દરેક વ્યક્તિએ દરરોજ ઓછામાં ઓછું 2-3 લિટર પાણી પીવું જોઇએ.
