ક્રિકેટ / IND vs WI: યશસ્વી જયસવાલ અને શુભમન ગિલની વધી શકે મુશ્કેલી? રાહુલ દ્રવિડ કેમ આપી આવી વોર્નિંગ?

• જાયસવાલ અને ગિલ ઈન્ડિયન ક્રિકેટ ટીમનું ભવિષ્ય
• કોચ દ્રવિડે બંને પ્લેયર્સને આપી વોર્નિંગ
• યંગ પ્લેયર્સનાં પ્રદર્શનને લઈને કરી આ વાત

જાયસવાલ અને ગિલ બંનેને ટીમ ઈન્ડિયાનાં ફ્યૂચર સુપરસ્ટાર માનવામાં આવે છે પરંતુ આવનારો સમય બંને માટે કપરો રહેવાનો છે. આ વાત બીજા કોઈ નહીં પરંતુ કોચ રાહુલ દ્રવિડે પોતે કહી છે. તેમણે આ બંને પ્લેયર્સને વોર્નિંગ પણ આપી છે.  પરંતુ કોચ દ્રવિડે શાનદાર પ્લેયર્સને આવું શા માટે કહ્યું?

ઘરેલૂ ક્રિકેટ સિસ્ટમનાં વખાણ
જાયસવાલનાં રૂપમાં ટીમ ઈન્ડિયાને એક શાનદાર ઓપનર મળ્યો છે. કેપ્ટન રોહિત શર્મા કહે છે કે લાંબા સમય સુધી જાયસવાલ ધમાલ મચાવાનો છે. ભારતીય કોચ દ્રવિડે પ્રેસ કોન્ફેરેન્સમાં કહ્યું કે આ ઘરેલૂ ક્રિકેટની ખાસિયત છે કે ત્યાંથી યંગ પ્લેયર્સ આવી રહ્યાં છે અને સીધાં ટેસ્ટ ટીમમાં ધમાલ મચાવી રહ્યાં છે. ટીમનો જે માહોલ છે તેમાં યંગ પ્લેયર્સ સારો અનુભવ કરી રહ્યાં છે. કોચે કહ્યું કે આવનારો સમય જાયસવાલ અને ગિલ જેવા પ્લેયર્સ માટે પડકારરૂપ રહેશે.

Preps ✅#TeamIndia READY for the 2️⃣nd Test in Trinidad👍#WIvIND pic.twitter.com/tlC8GcCcav

— BCCI (@BCCI) July 20, 2023

શા માટે પ્લેયર્સને મળી વૉર્નિંગ?
દ્રવિડે કહ્યું કે આજનાં સમયમાં જ્યારે યંગ પ્લેયર્સ સારું પ્રદર્શન કરે છે ત્યારે લોકો તેમને ઓળખવા લાગે છે. વિરોધી ટીમ તેના સામે રણનીતિઓ બનાવવા લાગે છે. તેથી પ્લેયર્સે તૈયાર રહેવું જોઈએ. દ્રવિડે કહ્યું કે તેઓ જોવા ઈચ્છે છે કે જ્યારે જાયસવાલની સામે વિરોધઈ ટીમો રણનીતિઓની સાથે આવશે ત્યારે તે કેવી રીતે સામનો કરે છે.

ઈન્ડિયન ક્રિકેટ ટીમનું ભવિષ્ય છે આ પ્લેયર્સ
યશસ્વી જાયસવાલે ઈંટરનેશનલ ક્રિકેટમાં ડ્રીમ ડેબ્યૂ કર્યું છે. વેસ્ટઈંડીઝની સામે છેલ્લી ટેસ્ટ મેચમાં તેમણે સેંચુરી ઠોકી હતી. તે ડેબ્યૂ ટેસ્ટમાં સદી ફટકારનારા 17માં ભારતીય બેટ્સમેન બન્યાં છે. તેમણે ડોમિનિકા ટેસ્ટમાં રોહિત શર્માની સાથે ઓપનિંગ કરી હતી. આ કારણે શુભમન ગિલ નંબર 3 પર બેટિંગ કરવા ઊતર્યાં હતાં. જો કે તેમનું ખાસ કંઈ પ્રદર્શન નહોતું. તેમ છતાં ટીમને ગિલ પર સંપૂર્ણ ભરોસો છે. આ બંને યંગ પ્લેયર્સનાં અત્યાર સુધીનાં ધમાકેદાર પર્ફોર્મેન્સને લીધે તેમની પોપ્યુલારિટી ઘણી વધી ગઈ છે. ન માત્ર ટીમ પરંતુ હવે તો પ્રેક્ષકોને પણ આ ખેલાડીઓનાં પ્રદર્શન પર વિશ્વાસ છે.