તમારા કામનું / કારમાં CNG કીટ લગાવતા પહેલાં આ બાબત ખાસ ધ્યાનમાં રાખજો, નહીં તો વીમાની રકમ...

• આસમાને છે પેટ્રોલ ડીઝલના ભાવ
• CNG કારમાં ઓછો થાય છે ખર્ચ 
• પણ  CNG ઈન્સ્ટોલેશનમાં રાખો ખાસ ધ્યાન 

ઘણી વખત લોકો કિંમત વધારે હોવાના કારણે કંપની ફિટેડ સીએનજી કિટ વાળી કાર ખરીદવાની જગ્યા પર બેસિક મોડલ ખરીદે છે અને બજારમાં જઈને તેમાં અલગથી સીએનજી કિટ ઈન્સ્ટોલ કરાવે છે. પરંતુ અમુક જરૂરી નિયમોનું પાલન કરવું જરૂરી છે જેના કારણે તેમને કોઈ પણ પ્રકારની મુશ્કેલી ન આવે.

RC પર કરાવી લો એન્ટ્રી 
જો તમો પોતાની કારમાં બજારથી સીએનજી કિટ લગાવી રહ્યા છો તો એ વાતનું પણ ધ્યાન રાખો કે તેને લગાવ્યા બાદ ગાડીની આરસી અને વીમા પર ફ્યૂલ ટાઈપમાં ફેરફાર કરાવવો પણ જરૂરી છે. 

જો તમે આમ ન કરાવ્યું અને કાર કોઈ દુર્ઘટનાનો શિકાર બની ગઈ તો વીમા કંપની ક્લેમ આપવાનો ઈનકાર પણ કરી શકે છે. તેના ઉપરાંત તમને પોતાના નજીકની આરટીઓ ઓફિસમાં જવું પડશે. 

થઈ શકે છે આ નુકસાન 
ઘણી વખત લોકો આરસી પર તો સીએનજી કિટની જાણકારી નોંધાવી લે છે પરંતુ વીમા પર કરાવવાનું ભૂલી જાય છે. એવામાં તેમને નુકસાન થઈ શકે છે. કારણ કે આવી સ્થિતિમાં જો તે કાર કોઈ દુર્ઘટનાનો શિકાર થાય તો વીમા કંપની સંપૂર્ણ ક્લેમ નહીં આપે તેમાં કાપ મુકશે. માટે એવી ભૂલ કરવાથી બચવું જોઈએ અને જો બહારથી સીએનજી કિટ લગાવી રહ્યા છો તો તેને આરસી અને વીમા બન્ને પર નોંધાવવું જોઈએ. 

સીએનજી કિટની જાણકારી 
જો તમે બહારથી પોતાની કારમાં સીએનજી કિટ ઈન્સ્ટોલ કરાવી છે પરંતુ તેની જાણકારી પોતાની આરસી અને વીમામાં નથી કરી તો આવી સ્થિતિમાં કોઈ દુર્ઘટના ઘટે છે ત્યારે વીમા કંપની કંઈ પણ ક્લોમ આપવાનો ઈનકાર કરી શકે છે. તેના ઉપરાંત આમ કરવું ગેર કાયદેસર પણ છે. જેના માટે તમારે ચાલાન ભરવું પડી શકે છે.