ચૂંટણી 2023 / છત્તીસગઢમાં ભગવા લહેરમાં ડેપ્યુટી સીએમ ટીએસ સિંહ દેવ પણ હાર્યા, જુઓ છત્તીસગઢમાં કેવી મચી ઉઠાપઠક

• છત્તીસગઢમાં ભાજપે ભગવો લહેરાવ્યો
• બીજેપીએ 57થી વધુ બેઠકો પર જીત હાસંલ કરી
• રાજ્યમાં બહુમતનો આંકડો 46 છે
   

Assembly election 2023: છત્તીસગઢ વિધાનસભા ચૂંટણીમાં ભાજપે મોટી જીત હાસંલ કરી છે. અહીં બીજેપીને 54 સીટો મળી છે જ્યારે કોંગ્રેસ માત્ર 35 સીટો પર આવી છે. રાજ્યમાં જ બહુમતનો આંકડો 46 છે. આ રીતે છત્તીસગઢમાં ભાજપે સરકાર બનાવી છે. રાજ્યની 90 વિધાનસભા બેઠકો માટે 7 અને 17 નવેમ્બરના રોજ બે તબક્કામાં મતદાન થયું હતું. માઓવાદી પ્રભાવિત રાજ્ય રાજકીય દૃષ્ટિકોણથી હંમેશા મહત્વનું રહ્યું છે. લોકસભાની ચૂંટણીના થોડા મહિના પહેલા જ વિધાનસભા ચૂંટણીના પરિણામો આવી રહ્યા છે. આવી સ્થિતિમાં આ પરિણામ લોકસભાની ચૂંટણી પહેલા જનતાનો મૂડ પણ જણાવશે. છેલ્લા 5 વર્ષથી અહીં કોંગ્રેસની સરકાર હતી, જેની મુખ્ય સ્પર્ધા ભાજપ સાથે હતી.

સત્તામાં ભાજપ
15 વર્ષના શાસન બાદ 2018માં અહીંથી ભાજપની હકાલપટ્ટી કરવામાં આવી હતી. આ વખતે તેમણે કોઈ પણ સીએમ ચહેરા વિના સામૂહિક નેતૃત્વ હેઠળ ચૂંટણી લડવાનો નિર્ણય કર્યો હતો. જોકે રમણ સિંહ, બ્રિજમોહન અગ્રવાલ જેવા નેતાઓ ચૂંટણી પ્રચારમાં મુખ્ય ભૂમિકામાં જોવા મળ્યા હતા. ભાજપે અહીં પ્રચારમાં પીએમ નરેન્દ્ર મોદી, અમિત શાહ અને જેપી નડ્ડા સહિતના વરિષ્ઠ નેતાઓને મેદાનમાં ઉતાર્યા હતા

ભૂપેશ સરકારના 10 જેટલા મંત્રીઓ હારી ગયા
છત્તીસગઢના ડેપ્યુટી સીએમ ટીએસ સિંહ દેવ પણ ખરાબ રીતે હારી ગયા છે. તેમના સિવાય ભૂપેશ સરકારના 10 જેટલા મંત્રીઓ હારી ગયા છે