જનહિતાર્થે / જે લોકો પાસે આ મોબાઈલ છે તેમને સરકારે કર્યાં હાઈએલર્ટ, ફટાફટ કરી લેજો જરુરી કામ

• કેન્દ્રીય આઈટી મંત્રાલયની કમિટીની ચેતવણી
• એન્ડ્રોયડ 10,11 અને 12માં છે અનેક ખામીઓ
• કોઈ પણ ચોરી શકે તમારી ગુપ્ત માહિતી
• લેટેસ્ટ અપડેટ કરાવી લેજો

CERT એટલે કે ભારતીય કોમ્પ્યુટર ઈમરજન્સી રિસ્પોન્સ ટીમે એન્ડ્રોઈડ યુઝર્સ માટે ચેતવણી જારી કરી છે.ટીમે  એન્ડ્રોઈડ 10, 11 અને 12નો ઉપયોગ કરી રહેલા લોકોને ચેતવણી આપી છે કે આ એન્ડ્રોયડ સ્માર્ટફોનમાં અનેક પ્રકારની ખામીઓ સામે આવી છે જેને કારણે કોઈ પણ હેકર્સ કે બીજી કોઈ વ્યક્તિ તમારી સંવેદશનલી જાણકારી મેળવી શકે છે અને તમને નુકશાન પહોંચાડી શકે છે. 

IT મંત્રાલયની CEAT ટીમે જારી કરી એડવાઈઝરી 

IT મંત્રાલયની CEAT ટીમ દ્વારા જારી કરાયેલ એડવાઈઝરી અનુસાર, ઘણી OS એટલે કે ઓપરેટિંગ સિસ્ટમમાં ખામીઓ છે જેના કારણે સંવેદનશીલ માહિતી મેળવી શકાય છે. એડવાઈઝરીમાં ઉલ્લેખ કરવામાં આવ્યો છે કે એન્ડ્રોઈડ ઓએસમાં કર્નલ કમ્પોનન્ટ્સ, ફ્રેમવર્ક, ક્વોલકોમ કમ્પોનન્ટ્સ અને સિસ્ટમમાં ખામી જોવા મળી છે.
એડવાઈઝરીમાં કહેવામાં આવ્યું છે કે આ ખામીઓને કારણે હેકર્સ તમારી અંગત અથવા કહો કે સંવેદનશીલ માહિતી ચોરી શકે છે. 

ગૂગલે આ ખામીઓ સ્વીકારી

ગૂગલે આ ખામીઓ સ્વીકારી અને આ મહિનાની શરૂઆતમાં સુરક્ષા પેચ બહાર પાડ્યો હતો.કંપનીના જણાવ્યા અનુસાર, આ ખામીઓમાં સૌથી ગંભીર ખામીઓ ફ્રેમવર્ક ઘટકમાં સુરક્ષા બગ છે. એન્ડ્રોઇડ સિક્યોરિટી બુલેટિન અનુસાર, 1 મે, 2022 અને ત્યારથી સિક્યોરિટી પેચ લેવલ સાથે, કંપનીએ આ ખામીઓને દૂર કરવાનો પ્રયાસ કર્યો છે.

બચવા માટે આટલું કરો 
જો તમે પણ હેકર્સના ટાર્ગેટમાં આવવા ન માગતા હોવ અને પોતાને સુરક્ષિત રાખવા માંગતા હોય તો તરત જ લેટેસ્ટ અપડેટ ઈન્સ્ટોલ કરો. તમે ફોનના સેટિંગમાં સિસ્ટમ અપડેટમાં જઈને લેટેસ્ટ અપડેટ વિશે જાણકારી મેળવી શકો છો.