- સેન્ટ્રલ બોર્ડ ઓફ ડાયરેક્ટ ટેક્સ દ્વારા 11.5 કરોડ પાન કાર્ડ નિષ્ક્રિય
- 57.25 કરોડ પાન કાર્ડ આધાર સાથે જોડાયેલા છે
- 50 હજાર રૂપિયા કે તેનાથી વધારેની લેણદેણ પણ અસર
સેન્ટ્રલ બોર્ડ ઓફ ડાયરેક્ટ ટેક્સ (Central Board of Direct Taxes (CBDT)) દ્વારા જેટલા પણ પાન કાર્ડને આધાર સાથે લિંક કરવામાં આવ્યા ન હતા તેવા 11.5 કરોડ પાન કાર્ડને નિષ્ક્રિય કરી દિધા છે. એક રિપોર્ટ અનુસાર આ જાણકારી સીબીડીટી તરફથી એક આરટીઆઈમાં પૂછવામાં આવેલા એક સવાલના જવાબમાં આ માહિતી આપવામાં આવી છે. તમને જણાવી ગયે કે પાન કાર્ડને આધાર સાથે લિંક કરવાની છેલ્લી તારીખ 30 જુન હતી. એક જુલાઈ 2017 પહેલા જે પણ પાનકાર્ડ કાઢવામાં આવ્યા હતા તે તમામને આધાર સાથે લિંક કરવાનું હતું. 1 જુલાઈ 2017 બાદ નીકાળવામાં આવેલા તમામ પાન આધાર સાથે લિંક છે.
ભારતમાં 70324 કરોડ પાન હોલ્ડર્સ છે
એક રિપોર્ટમાં આરટીઆઈ કાર્યકર્તા ચંદ્રા શેખર ગૌરને સીબીડીટી તરફથી મળેલા જવાબ દ્વારા જણવા મળ્યું હતું કે ભારતમાં 70324 કરોડ પાન હોલ્ડર્સ છે. જેમાંથી 57.25 કરોડ પાન કાર્ડ આધાર સાથે જોડાયેલા છે. જ્યારે 11.5 કરોડ પાનકાર્ડ્સ આધાર સાથે લિંક ન હોવાના કારણે તેને નિષ્ક્રિય કરી દેવામાં આવ્યા છે. કાર્ડને ફરીથી એક્ટીવ કરવા માટે 1 હજાર રૂપિયા દંડ જમા કરીને એક્ટીવ કરાવી શકો છો. પાન કાર્ડ નિષ્ક્રિય થવા પર 50 હજાર રૂપિયા કે તેનાથી વધારેની લેણદેણ પણ અસર થઈ શકે છે. આ સિવાય આઈટીઆર ભરવામાં પણ પરેશાનીનો સામનો કરવો પડી શકે છે..
કેવી રીતે ચેક કરશો કે પાન કાર્ડ એક્ટીવ છે કે નહીં?
તમે તેને સરળ રીતે ચેક કરી શકો કે તમારૂ પાન કાર્ડ એક્ટીવ છે કે નહીં. જેના માટે તમારે સૌથી પહેલા ઈન્કમ ટેક્સની વેબસાઈઠ પર જવુ પડશે. જે બાદ 'Verify Your PAN'પર ક્લિક કરવું જે બાત તમારે પાન નંબર, જન્મ તારીખ, મોબાઈલ નંબર એન્ટર કરવું પડશે. જે બાદ 'Continue'પર ક્લીક કરવું.. જેથી તમને સ્ક્રીન પર સ્ટેટસ જોવા મળશે.
