મોનસૂન સ્કિન કેર / વરસાદમાં તમારા પગરખાં બની શકે છે 'ફંગલ ઇન્ફેક્શન'નું કારણ, આ 3 વાતોને ખાસ ધ્યાનમાં રાખજો નહીં તો....

• આ સિઝનમાં દાદ અને તમારી આંગળીઓ અને પગમાં ખંજવાળ જેવી સમસ્યાઓ વધે છે
• ભીના બૂટ ચંપલ ના પહેરવા જોઇએ
• વરસાદની સિઝનમાં ખુલ્લા પગરખાં અને ચપ્પલ પસંદ કરો

Fungal infection: વરસાદની સિઝનમાં ત્વચાની સમસ્યાઓ વધે છે, જેમાંથી એક ફંગલ ઇન્ફેક્શન છે. ભીના કપડા, ભેજ અને ગંદકી જેવા અનેક કારણોસર અને ફૂટવેરના કારણે પણ આવું થઈ શકે છે. હવે વાત છે બૂટ અને ચપ્પલની, તો સમજવા જેવી વાત છે કે તે કેવી રીતે ફંગલ ઇન્ફેક્શનનું કારણ બની શકે છે. જો આવુ બને છે તો આ સમસ્યાથી કેવી રીતે બચી શકાય, આવો જાણીએ આ બાબતો વિશે વિગતવાર જાણકારી મેળવીએ...

શું પગરખા ફંગલનું કારણ બની શકે છે
વરસાદમાં દરેક બાજુ ભેજ હોય ​​છે. ઉપરાંત આ સિઝનમાં નાના જીવ જંતુઓ જન્મ લે છે. આવી સ્થિતિમાં, બૂટ અને ચપ્પલને ભીના થવા અને સૂર્યપ્રકાશના અભાવે તે સૂકાતા નથી જે ફંગલ ઇન્ફેક્શનનું કારણ બને છે. બૂટ અને ચપ્પલમાં ફંગલનો ગ્રોથ થાય છે અને તે ઇન્ફેક્શનનું કારણ બને છે, જેના કારણે દાદ અને તમારી આંગળીઓ અને પગમાં ખંજવાળ જેવી સમસ્યાઓ વધે છે. તેઓ ફક્ત તમારા પગમાં જ નહીં, પણ સ્કિનમાં બીજે ક્યાંય પણ ફેલાય છે.

આ વાતોનું ધ્યાન રાખવુ જરુરી
1. પગરખાને સાફ રાખો 
વરસાદમાં પગરખાને સાફ રાખવા ખૂબ જરૂરી છે. તમારે માત્ર ચપ્પલને પાણીથી સાફ કરીને તડકામાં રાખો. પછી, જ્યારે તે સંપૂર્ણ રીતે સુકાઈ જાય ત્યાર બાદ જ તેને પહેરવા જોઇએ. આ સિવાય ઘરમાં ઉપયોગમાં લેવાતા ચપ્પલને હંમેશા સૂકા રાખવાનો પ્રયાસ કરો જેથી તમને તેનાથી ઇન્ફેક્શન ના લાગે.

2. ભીના બૂટને સૂકવીને જ પહેરો
ભીના બૂટને સૂકાયા પછી જ પહેરો, નહીં તો તમને સરળતાથી ફંગલ ઇન્ફેક્શન થઈ શકે છે. એટલું જ નહીં, આ ફંગલ ઇન્ફેક્શન પણ લાંબા સમય સુધી રહી શકે છે. એટલે કે, તે તમને વારંવાર થઇ શકે છે. તેથી, તમારા પગરખાં સાફ કરવાનો પ્રયત્ન કરો અને પછી તેને તડકામાં સૂકવો અને પહેરો.

3. ખુલ્લા પગરખાને પસંદ કરો 
વરસાદની સિઝનમાં ખુલ્લા પગરખાં અને ચપ્પલ પસંદ કરો. કારણ કે તેમાં પાણી ભરાતુ નથી, જેનાથી ઈન્ફેક્શનનો ભય ઓછો થઈ જાય છે. આ સિવાય પગ પર સૂર્યપ્રકાશ અને હવા રહે છે, જેના કારણે ફંગલને વધવાની તક મળતી નથી અને તમારા પગ હેલ્દી રહે છે અને ત્વચાની સમસ્યાઓથી બચાવ થાય છે.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.