- સપ્ટેમ્બરમાં લોકોને બ્લડ કેન્સર પ્રત્યે જાગૃત કરવામાં આવે છે
- કયા કારણોસર બ્લડ કેન્સર થાય છે
- આવો જાણીએ બ્લડ કેન્સરના શરૂઆતના લક્ષણો
વિશ્વભરમાં સપ્ટેમ્બર મહિનામાં લોકોને બ્લડ કેન્સર પ્રત્યે જાગૃત કરવામાં આવે છે. બ્લડ કેન્સર શું છે, કયા કારણોસર બ્લડ કેન્સર થાય છે અને તેના લક્ષણો વિશે કેવી રીતે જાણી શકાય, તે તમામ બાબતો વિશે અહીંયા વિગતવાર જણાવવામાં આવ્યું છે.
બ્લડ કેન્સર શું છે?
શરીરનો કોશિકાઓ અથવા DNAમાં મ્યૂટેશનને કારણે બ્લડ કેન્સર થાય છે. જે લોહી અથવા બોનમેરોમાં થઈ શકે છે. ત્યારપછી લોહીમાં ફેલાવા લાગે છે, જેના કારણે વ્હાઈટ બ્લડ સેલ્સને નુકસાન થાય છે. આ કારણોસર રક્ત કોશિકાઓ યોગ્ય રીતે કામ કરી શકતી નથી. આ કેન્સર થવાનું કોઈ સ્પષ્ટ કારણ નથી પરંતુ, કેટલીક પરિસ્થિતિઓમાં બ્લડ કેન્સર થઈ શકે છે. જેમ કે, લિંગ, ફેમિલી હિસ્ટ્રીમાં બ્લડ કેન્સર, રેડિએશનને કારણે બ્લડ કેન્સર થાય છે.
બ્લડ કેન્સરના પ્રકાર (Types of blood cancer)
બ્લડ કેન્સરના ત્રણ પ્રકાર છે- લ્યૂકીમિયા, લિંફોમા અને મલ્ટીપલ માઈલોમા. લ્યૂકીમિયા બે પ્રકારના હોય છે, જેમાંથી એક બ્લડ કેન્સર ઝડપથી ફેલાય છે અને બીજામાં ધીમે ધીમે કેન્સર ફાલાય છે. લિંફોમામાં કેન્સરની ગાંઠ બને છે. મલ્ટીપલ માઈલોમાને બોનમેરોની બિમારી કહેવામાં આવે છે.
બ્લડ કેન્સરના લક્ષણો (symptoms of blood cancer)
- શરીરની રોગપ્રતિકારક ક્ષમતા ઓછી થઈ જાય છે, જેના કારણે ઈન્ફેક્શન થવા લાગે છે.
- દર્દીને અચાનક અસામાન્ય રીતે થાક લાગે છે, ચક્કર આવે છે, નબળાઈ લાગે છે.
- શરીર પર હાથથી ખંજવાળો તેમ છતાં ત્વચાને નુકસાન અથવા બ્લીડીંગ થાય, ત્વચા પર ધબ્બા પડી જાય તો તે બ્લડ કેન્સરના શરૂઆતના લક્ષણ હોઈ શકે છે.
- અચાનક વજન ઓછું થઈ જવું, વધુ ઠંડી લાગવી, રાત્રે પરસેવો વળવો, હાડકાંમાં દુખાવો થવો, ત્વચા પર ખંજવાળ આવવી, ભૂખ ના લાગવી, ઉબકા આવવા, માથાનો દુખાવો, શ્વાસ લેવામાં તકલીફ, પેશાબમાં તકલીફ, પેટમાં દુખવું, મોઢામાં છાલા પડવા, ત્વચા પર લાલ દાણાં દેખાવા, ખાંસી અને ઉલ્ટી થવી. આ લક્ષણો દેખાય તો તાત્કાલિક ડોકટરનો સંપર્ક કરવો.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
