ચૂંટણી પરિણામ 2021 / મધ્ય પ્રદેશ, આસામમાં ભાજપ તો હિમાચલ અને રાજસ્થાનમાં કોંગ્રેસ આગળ, બંગાળમાં ટીએમસી આગળ

• ચૂંટણી પરિણામ બાદ વિજય સરઘસની પરવાનગી નહીં
• કોંગ્રેસ રાજસ્થાનની બન્ને સીટ પર આગળ 
• આસામની 5માંથી 2 સીટો પર ભાજપ આગળ

3 લોકસભા સીટોમાં દાદરા તથા નગર હવેલી હિમાચલ પ્રદેશની મંડી અને મધ્ય પ્રદેશના ખંડવા સીટ છે. આ ઉપરાંત જે 29 વિધાનસભાની સિટો પર વોટ પડ્યા હતા. જેમાં આસામના 5, બંગાળની 4 , મધ્ય પ્રદેશ, હિમાચલ તથા મેઘાલયના 3 -3 , બિહાર, રાજસ્થાન તથા કર્ણાટકના 2-2 અને આંધ્ર પ્રદેશ, હરિયાણા, મહારાષ્ટ્ર, મિઝોરમ તથા તેલંગાણાની એક- એક વિધાનસભા સીટ સામેલ હતી.  

ચૂંટણી પરિણામ બાદ વિજય સરઘસની પરવાનગી નહીં

ચૂંટણી પંચે કહ્યું કે ચૂંટણી પરિણામ બાદ વિજય સરઘસ કાઢવાની પરવાનગી આપવામાં આવી નથી. સંબંઘિત રિટર્નંગ અધિકારી પાસેથી ચૂંટણીનું પ્રમાણ પત્ર પ્રાપ્ત કરવા માટે વિજેતા ઉમેદવાર તથા તેમના અધિકૃત પ્રતિનિધિની સાથે બે વધારે વ્યક્તિઓએ જવાની પરવાનગી છે.

કોંગ્રેસ રાજસ્થાનની બન્ને સીટ પર આગળ 

મિઝોરમમાં મિઝો નેશનલ ફ્રાન્ટ 1 સીટ પર આગળ છે. ત્યારે કોંગ્રેસ રાજસ્થાનની બન્ને સીટ પર આગળ છે. ભાજપ તેલંગાણામાં એકલી સીટ પર અને ટીએમસી પ. બંગાળની તમામ ચારેય સીટ પર આગળ છે. મેઘાલયની મોરિંગકેંગ વિધાનસભા સીટની પેટા ચૂંટણી માટે મંગળવારે જારી મતગણતરીની શરુઆતમાં સત્તાધારી પાર્ટી એનપીપી કરતા આગળ છે. 

#WATCH | TMC workers celebrate outside a counting centre in Dinhata, Cooch Behar as the party leads on all 4 seats in the by-polls to the State Assembly.

TMC's Udayan Guha is leading in Dinhata with 96,537 votes so far.#WestBengalBypolls pic.twitter.com/k0GyQ3XC87

— ANI (@ANI) November 2, 2021

આસામની 5માંથી 2 સીટો પર ભાજપ આગળ

14 રાજ્યોમાં વિધાનસભા વિસ્તાર માટે થયેલી પેટા ચૂંટણીમાં આસામની 5માંથી 2 સીટો પર ભાજપ, હરિયાણાની એક સીટ પર ઈનેલો, હિમાચલ પ્રદેશની 3માંથી 2 સીટો પર કોંગ્રેસ અને મધ્ય પ્રદેશની તમામ 3 સીટો પર ભાજપ આગળ ચાલી રહ્યું છે.  હિમાચલમાં એકવાર ફરી કોંગ્રેસ આગળ ચાલી રહી છે. તો મધ્ય પ્રદેશની ચારેય સીટો પર ભાજપ આગળ છે.