બિઝનેસ / ક્યારે આવશે Jioનો IPO? રિલાયન્સ ઇન્ડસ્ટ્રીઝ AGMમાં મુકેશ અંબાણીનું મોટું એલાન

રિલાયન્સ ઇન્ડસ્ટ્રીઝના ચેરમેન મુકેશ અંબાણીએ ટેલિકોમ કંપની રિલાયન્સ જિયોના AGMને લઈને મોટું એલાન કર્યું છે. મુકેશ અંબાણીએ જણાવ્યું છે કે IPO માટેનું ડ્રાફ્ટ પેપર ખૂબ જ ટૂંક સમયમાં ફાઇલ કરવામાં આવશે અને વર્ષ 2026ના પ્રથમ છ મહિનામાં રિલાયન્સ જિયો IPO લોન્ચ કરવાની યોજના બનાવી રહી છે.

જિયો પાસે હાલમાં 50 કરોડથી વધુ ગ્રાહકો છે. કંપનીએ 5G, ફિક્સ્ડ બ્રોડબેન્ડ અને AI ટેકનોલોજી પર મોટા પ્રમાણમાં રોકાણ કર્યું છે. જિયો સ્ટોક માર્કેટમાં લિસ્ટ થતાં જ રોકાણકારોને મોટો ફાયદો થઈ શકે છે.

અંદાજ મુજબ, જિયો કંપની IPO મારફતે આશરે 12 થી 13 લાખ કરોડ રૂપિયા સુધી જમા કરી શકે છે, જેનો ઉપયોગ પોતાના બિઝનેસનો વધુ ગ્રોથ કરવા માટે કરવામાં આવશે.

500 મિલિયનથી વધુ કસ્ટમર્સ

'મુકેશ અંબાણીએ IPO અંગે વાત કરતાં કહ્યું કે, આ પગલાથી વૈશ્વિક સ્તરે શેર હોલ્ડર્સ માટે મોટી કિંમત અનલોક થશે. જિયોએ તાજેતરમાં 500 મિલિયન ગ્રાહકોનો આંકડો પાર કર્યો છે. FY25માં જિયોનું રેવન્યુ 1.28 લાખ કરોડ રૂપિયા રહ્યું છે.'

125 અબજ ડોલર કમાણી કરનાર ભારતની પ્રથમ કંપની

રિલાયન્સ ઇન્ડસ્ટ્રીઝની 48મી વાર્ષિક સામાન્ય સભામાં ચેરમેન મુકેશ અંબાણીએ જણાવ્યું કે વર્ષ 2025 કંપની માટે અતિશય સફળ રહ્યું છે. રિલાયન્સ ભારતની એવી પ્રથમ કંપની બની છે જેણે 125 અબજ ડોલરનું વાર્ષિક રેવન્યુ પાર કર્યું છે.

કંપનીનું EBITDA 1,83,422 કરોડ રૂપિયા રહ્યું છે, જ્યારે નેટ પ્રોફિટ 81,309 કરોડ રૂપિયા રહ્યો છે. રિલાયન્સના એક્સપોર્ટની વાત કરીએ તો તે 2,83,719 કરોડ રૂપિયા છે, જે ભારતના કુલ માલ એક્સપોર્ટનો 7.6% ભાગ છે. જેનાથી કંપની ભારતની સૌથી મોટી એક્સપોર્ટ કંપનીઓમાં સામેલ થઈ છે.

સૌથી મોટી ટેક્સ પેયર કંપની

રિલાયન્સે નાણાકીય વર્ષ 2025માં રૂપિયા 2,10,269 કરોડ ટેક્સ ચૂકવ્યો છે, જે દેશની પ્રગતિમાં મોટો ફાળો છે. છેલ્લા છ વર્ષમાં કંપનીએ રાષ્ટ્રીય ખજાનામાં કુલ 10 લાખ કરોડ રૂપિયાથી વધુનું યોગદાન આપ્યું છે.

વધુ વાંચો: ચોકલેટથી લઇને આઇસ્ક્રીમ સુધી..., સસ્તી થવા જઇ રહી છે આ આઇટમો, GSTમાં થશે ફેરફાર

રિલાયન્સ બનાવશે નવી કંપની

મુકેશ અંબાણીએ એક વધુ મોટું એલાન કર્યું છે. રિલાયન્સ ઇન્ડસ્ટ્રીઝના ચેરમેનએ જણાવ્યું કે તેઓ AI ક્ષેત્રમાં એક નવી સબસિડિયરી રિલાયન્સ ઈન્ટેલિજન્સની સ્થાપના કરશે, જેના માટે કંપની ગૂગલ અને મેટા સાથે ભાગીદારી કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ