બિઝનેસ / વિશ્વના ટોપ-10 અમીરોના લિસ્ટમાં એક પણ ભારતીય નહીં, જાણો અંબાણી-અદાણી કયા નંબરે

Published By: Priyankka Triveddi

Last Updated: 09:36 AM, 10 September 2025

FOLLOW ON

શેર કરો

વિશ્વના અરબપતિઓના લિસ્ટમાં આ સમયે ઉથલપાથલ થઈ રહી છે. ગુજરાતના અદાણી ગ્રૂપના ચેરમેન ગૌતમ અદાણીની ફરી એકવાર વિશ્વના ધનિક લોકોના લિસ્ટમાં ટોપ 20માં એન્ટ્રી થઈ છે. જ્યારે રિલાયન્સ ઇન્ડસ્ટ્રીના ચેરમેન મુકેશ અંબાણી પર આ લિસ્ટમાંથી બહાર થવાનું જોખમ મંડરાઈ રહ્યું છે. જો કે આ આટલું સરળ પણ નથી. અંબાણીને ટોપ 20 માંથી બહાર કરવા માટે અદાણીને તેની નેટવર્થમાં હજુ 17 અરબ ડોલરથી પણ વધારે રકમ ઉમેરવી પડશે.

Billionaire List: બ્લૂમબર્ગ બિલિયોનેર ઇન્ડેક્સના તાજેતરના રેન્કિંગમાં અંબાણી 97.7 અબજ ડોલર સાથે 19મા ક્રમે છે. એશિયાના સૌથી ધનિક વ્યક્તિ અંબાણીથી બરાબર પાછળ છે. અદાણી તેમની પાછળ છે અને તેમની કુલ સંપત્તિ $80.3 અબજ ડોલર છે. બ્લૂમબર્ગ બિલિયોનેર ઇન્ડેક્સમાં અદાણી એશિયાના બીજા સૌથી ધનિક વ્યક્તિ છે. છેલ્લા 24 કલાકમાં અદાણીની સંપત્તિમાં $1.24 અબજનો વધારો થયો છે. જ્યારે અંબાણીની સંપત્તિમાં $89.7 મિલિયનનો ઘટાડો થયો છે.

અમેરિકન અરબોપતિ પર ડોલરનો વરસાદ

મંગળવારે અમેરિકન અરબોપતિ પર ડોલરનો વરસાદ થયો. વિશ્વના સૌથી ધનિક વ્યક્તિ એલોન મસ્કની સંપત્તિમાં ફક્ત $420 મિલિયનનો વધારો થયો. જ્યારે માર્ક ઝુકરબર્ગ, લેરી પેજ અને સેર્ગેઈ બ્રિનની સંપત્તિમાં $4 બિલિયનથી વધુનો વધારો થયો. સાથે જ વિશ્વના બીજા ક્રમના સૌથી ધનિક લેરી એલિસનની કુલ સંપત્તિમાં $3.34 બિલિયનનો વધારો થયો અને જેફ બેઝોસની સંપત્તિમાં $2.19 બિલિયનનો વધારો થયો. જેન્સન હુઆંગ પણ $2.08 બિલિયન કમાવવામાં સફળ રહ્યા.

વધુ વાંચો: દર મહિને કમાણી જ કમાણી! ફક્ત 5000 રૂપિયાના રોકાણથી શરૂ કરો પોસ્ટ ઓફિસનો આ બિઝનેસ