શેરબજાર / બોર્ડ મિટિંગ પહેલા જ કકડભૂસ થઈને પડ્યા આ બેન્કોના શેર, 10%નો થયો ઘટાડો

મંગળવારે ટ્રેડિંગ સેશન દરમિયાન ભારે ટ્રેડિંગ વોલ્યુમ અને કેટલાક કથિત બ્લોક ડીલ્સ વચ્ચે બેંકના શેર લગભગ 10 ટકા ઘટ્યા હતા.ખાનગી બેંકે આજે એક્સચેન્જ ફાઇલિંગ દ્વારા અફવાઓ અંગે પોતાનો સ્પષ્ટતા પણ શેર કર્યો. આ બેંક યસ બેંક છે.

મંગળવારે યસ બેંકના શેર 9.55 ટકા ઘટીને રૂ. 21.05 પર બંધ થયા હતા, જ્યારે સોમવારે તે રૂ. 23.27 પર બંધ થયા હતા. યસ બેંકનું કુલ બજાર મૂડી ઘટીને રૂ. 66000 કરોડ થઈ ગયું છે. છેલ્લા એક અઠવાડિયામાં શેરમાં નોંધાયેલા બધા ફાયદાઓ ગુમાવી દીધા છે.

ખાનગી બેંકે એવી અફવાઓ અંગે કહ્યું હતું કે સુમિટોમો મિત્સુઇ બેંકિંગ કોર્પોરેશન (SMBC) યસ બેંકની સંપૂર્ણ માલિકી હસ્તગત કરી રહી નથી અને તેને RBI તરફથી લાયસન્સની મંજૂરીની જાણ નથી.

વધુ વાંચો: શેરબજારમાં મંદી વચ્ચે આ IPOની ધમાકેદાર એન્ટ્રી, રોકાણકારોને લોટરી

આજે માર્કેટ ખૂલ્યા પછી સવારે NSE પર યસ બેંકના રૂ. 2168.23 કરોડના 100.24 કરોડથી વધુ ઇક્વિટી શેરનું ટ્રેડિંગ થયું હતું. તેવી જ રીતે BSE પર રૂ. 1078.14 કરોડના 49.91 કરોડ ઇક્વિટી શેરનું ટ્રેડિંગ થયું હતું. બોર્ડ મીટિંગ પણ યોજાઇ હતી પરંતુ તે પહેલા જ તેના શેરમાં મોટો ઘટાડો જોવા મળ્યો હતો.

(DISCLAIMER:બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ