માર્કેટ મોજમાં / દલાલ સ્ટ્રીટમાં બુલની દહાડ, સેન્સેક્સ અને નિફ્ટી આટલા પોઈન્ટના ઉછાળા સાથે ખુલ્યા

અમેરિકા અને ચીન વચ્ચે લાંબા સમયથી ચાલી રહેલા ટ્રેડ વોરની વચ્ચે શેરબજારમાં રાહતના સમાચાર મળ્યા છે. અમેરિકાના નાણામંત્રીએ સંકેત આપ્યા છે કે બને દેશો વચ્ચે ટ્રેડને લઈને જલ્દી નિરાકરણ આવશે અને તેની સકારાત્મક અસર માર્કેટમાં જોવા મળી છે.

અમેરિકા-ચીન વચ્ચેના ટ્રેડ વોર વચ્ચે રાહત

અમેરિકા અને ચીન વચ્ચે લાંબા સમયથી ચાલી રહેલા ટેરિફ યુદ્ધ અંગે મોટી રાહતના સમાચાર છે. અમેરિકાના નાણામંત્રીએ સંકેત આપ્યો છે કે વેપાર યુદ્ધ ટૂંક સમયમાં ઉકેલાઈ શકે છે. આ સકારાત્મક નિવેદન પછી ચાર દિવસના ઘટાડા પછી અમેરિકન બજારોમાં ફરી મજબૂતી જોવા મળી. ડાઉ ફ્યુચર્સ 500 પોઈન્ટ વધ્યા હતા જ્યારે એશિયન બજારોમાં પણ ઉછાળો જોવા મળ્યો હતો. જાપાનનો નિક્કી ઇન્ડેક્સ 650 પોઈન્ટ વધ્યો અને GIFT નિફ્ટી 200 પોઈન્ટ ઉછળીને 24,400 ના સ્તરની નજીક પહોંચી ગયો.

સેન્સેક્સ નિફ્ટીમાં વધારો

22 એપ્રિલના રોજ શેરબજારમાં ફ્લેટ ટ્રેડિંગ જોવા મળ્યું. ગઈકાલે એટલે કે મંગળવારે શેરબજારના મુખ્ય સૂચકાંકો લીલા નિશાન પર બંધ થયા હતા. BSE સેન્સેક્સ 187 પોઈન્ટના વધારા સાથે 79595 પર બંધ થયો. NSE નિફ્ટી 41 પોઈન્ટ વધીને 24167 પર ટ્રેડ કરી રહ્યો છે. આ પહેલા પણ શેરબજારમાં સકારાત્મક કારોબાર જોવા મળ્યો હતો.

ટ્રમ્પના બદલાતા સૂર

દરમિયાન ફેડ ચેરમેન પોવેલ અંગે યુએસ પ્રમુખ ડોનાલ્ડ ટ્રમ્પના બદલાયેલા સૂરથી પણ બજારના સેન્ટિમેન્ટને મજબૂતી મળી. ટ્રમ્પે સ્પષ્ટ કર્યું કે તેમનો ફેડ ચેરમેનને હટાવવાનો કોઈ ઈરાદો નથી અને હાલના સમયને વ્યાજ દર ઘટાડવાનો "પરફેક્ટ સમય" ગણાવ્યો. આ સંકેતોને કારણે રોકાણકારોમાં વિશ્વાસ પાછો ફર્યો છે. ટેરિફ વોર હળવો થવાની આશાએ સોનામાં પ્રોફિટ બુકિંગ જોવા મળ્યું.

વધુ વાંચો: સવાર-સવારમાં બદલાઈ ગયા પેટ્રોલ-ડીઝલના ભાવ, ફટાફટ ચેક કરી લો આજના લેટેસ્ટ રેટ

સ્થાનિક બજારમાં સોનાના ભાવ 99358 રૂપિયાના ઉચ્ચતમ સ્તરને સ્પર્શ્યા પછી 2000 રૂપિયા ઘટ્યા હતા. આંતરરાષ્ટ્રીય બજારમાં પણ સોનાનો ભાવ 125 ડોલર ઘટીને 3375 ડોલરની નજીક પહોંચી ગયો. બીજી તરફ ક્રૂડ ઓઇલ 2 ટકા વધીને 68 ડોલરની નજીક પહોંચી ગયું.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ