બિઝનેસ ન્યૂઝ / 216 રૂપિયાના પ્રાઇઝ બેન્ડવાળા આ IPOમાં પૈસા લગાવ્યા? જે ફાયદો કરાવશે, ગુજરાત સાથે છે નાતો

Borana Weaves IPO : અનબ્લીચ્ડ સિન્થેટિક ગ્રે ફેબ્રિકના ઉત્પાદક બોરાના વીવ્સનો IPO આજે સબ્સ્ક્રિપ્શન માટે ખુલશે. રોકાણકારો આ IPOમાં 22 મે સુધી રોકાણ કરી શકે છે. કંપનીના શેર 27 મેના રોજ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટેડ થશે. IPOમાં લગભગ 67 લાખ નવા શેર જારી કરવામાં આવશે. આ ઇશ્યૂમાં કંપનીના હાલના રોકાણકારો અથવા પ્રમોટર્સ ઓફર ફોર સેલ એટલે કે OFS દ્વારા એક પણ શેર વેચશે નહીં. બોરાના વીવ્સના IPO ના અનલિસ્ટેડ શેર્સને ગ્રે માર્કેટમાં સારો પ્રતિસાદ મળી રહ્યો છે. ગ્રે માર્કેટમાં શેર 29 ટકાના પ્રીમિયમ પર ટ્રેડ થઈ રહ્યા છે.

બોરાના વીવ્સના IPOનો પ્રાઇસ બેન્ડ 205 થી 216 રૂપિયા છે. ઇશ્યૂના એક લોટમાં 69 શેર છે. છૂટક રોકાણકારો ઓછામાં ઓછા એક લોટ માટે બોલી લગાવી શકે છે. જો IPO ના ઉપલા ભાવ બેન્ડ 216 રૂપિયા મુજબ 1 લોટ માટે બોલી લગાવવામાં આવે છે તો ઓછામાં ઓછા 14904 રૂપિયાનું રોકાણ કરવું પડશે. છૂટક રોકાણકારો વધુમાં વધુ 13 લોટ માટે અરજી કરી શકે છે. આ માટે રોકાણકારોએ ઉપલા ભાવ બેન્ડ અનુસાર 193752 રૂપિયાનું રોકાણ કરવું પડશે.

રિટેલ રોકાણકારો માટે 10% અનામત

બોરાના વીવ્ઝના IPOનો 75% હિસ્સો ક્વોલિફાઇડ ઇન્સ્ટિટ્યૂશનલ બાયર્સ (QIB) માટે અનામત છે. 10 % રિટેલ રોકાણકારો માટે અનામત છે અને બાકીના 15% બિન-સંસ્થાકીય રોકાણકારો (NIIs) માટે અનામત છે. કંપની આ ઇશ્યૂમાંથી એકત્ર થયેલી મૂડીનો ઉપયોગ મુખ્યત્વે સુરતમાં તેના ચોથા ઉત્પાદન એકમની સ્થાપના કાર્યકારી મૂડીની જરૂરિયાતો અને સામાન્ય કોર્પોરેટ હેતુઓ પૂર્ણ કરવા માટે કરશે.

બોરાના વીવ્સ IPO GMP

ગ્રે માર્કેટ ટ્રેકિંગ વેબસાઇટ IPowatch.in અનુસાર 20 મેના રોજ બોરાના વીવ્સના IPO શેર ગ્રે માર્કેટમાં રૂ. 63 ના પ્રીમિયમ પર ટ્રેડ થઈ રહ્યા હતા. આનો અર્થ એ થયો કે રોકાણકારોને લિસ્ટિંગમાં 29 ટકાનો ફાયદો થવાની શક્યતા છે. 216 રૂપિયાના ઉપલા ભાવ બેન્ડ મુજબ બોરાના વીવ્સના શેર 279 રૂપિયામાં લિસ્ટ થઈ શકે છે.

કંપનીની નાણાકીય સ્થિતિ

નાણાકીય વર્ષ 2024 માં કંપનીની આવક રૂ. 199.5 કરોડ હતી. જેમાં EBITDA રૂ. 41.17 કરોડ અને ચોખ્ખો નફો (PAT) રૂ. 24 કરોડ હતો. ડિસેમ્બર 2024 સુધીના નવ મહિનામાં કંપનીની આવક રૂ.211.61 કરોડ, EBITDA રૂ. 46.03 કરોડ અને PAT રૂ. 29.30 કરોડ રહી.

વધુ વાંચો: શેરબજારની ધીમી ગતિએ આગેકૂચ: ગ્રીન ઝોન સાથે સેન્સેક્સ-નિફ્ટીમાં દેખાઇ સામાન્ય તેજી

કંપની પ્રોફાઇલ

2020 માં સ્થપાયેલી બોરાના વીવ્સ લિમિટેડ સુરત, ગુજરાત સ્થિત એક અગ્રણી કંપની છે. જે અનબ્લીચ્ડ સિન્થેટિક ગ્રે ફેબ્રિકના ઉત્પાદનમાં રોકાયેલી છે. આ ગ્રે કાપડનો ઉપયોગ ફેશન, પરંપરાગત કાપડ, ટેકનિકલ કાપડ, ગૃહ સજાવટ અને આંતરિક ડિઝાઇન જેવા ઉદ્યોગોમાં થાય છે.

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ