Gold Rate / સોનું ખરીદવા માગતા લોકો માટે ગુડ ન્યૂઝ, આજે ભાવમાં આવ્યો ધરખમ ઘટાડો, જાણો લેટેસ્ટ રેટ

આજે ભારતમાં સોનું અને ચાંદીના બજારમાં નોંધપાત્ર ઘટાડો જોવા મળ્યો છે, જેના કારણે રોકાણકારો તેમજ ઘરેણાં ખરીદનારા લોકો માટે આ દિવસ મહત્વનો બન્યો છે. સોનાના ભાવમાં પ્રતિ ગ્રામ લગભગ ₹11 નો ઘટાડો થયો છે, જ્યારે ચાંદીમાં પ્રતિ કિલો લગભગ ₹2,000 સુધીનો ઘટાડો નોંધાયો છે. આ ઘટાડા પાછળ આંતરરાષ્ટ્રીય બજારમાં ચાલતા ઉતાર–ચઢાવ અને ડોલરની નબળાઈ મોટા કારણે છે. આજે દેશભરમાં 24 કેરેટ 1 ગ્રામ સોનાનો ભાવ ₹12,497 નોંધાયો છે, જે ગઈકાલે ₹12,508 હતો, એટલે કે લગભગ ₹11 જેટલો ઘટાડો થયો છે. શુદ્ધ સોવું ગણાતું 24 કેરેટ સોવું ઊંચા ભાવ પર વેચાતું હોવા છતાં તેની કિંમતમાં ઘટાડો થતા લોકોએ ખરીદીની રાહત અનુભવી છે.

22 કેરેટ સોનાનો આજે ભાવ ₹11,455 પ્રતિ ગ્રામ રહ્યો છે, જ્યારે ગઈકાલે તે ₹11,465 હતો. એટલે કે લગભગ ₹10 નો ઘટાડો જોવા મળ્યો છે. દાગીના બનાવવા માટે સૌથી વધુ ઉપયોગમાં લેવાતું આ સોવું સસ્તું થતાં તહેવારો કે લગ્નની ખરીદીનું આયોજન કરનારાઓ માટે આ સારી તક બની છે. 18 કેરેટ સોનાના ભાવમાં પણ આજે ઘટાડો નોંધાયો છે. હાલમાં તેનો ભાવ ₹9,373 પ્રતિ ગ્રામ છે, જે ગઈકાલ કરતાં ₹8 ઓછો છે. સોના સાથે સાથે ચાંદીના ભાવમાં પણ આજે મોટો ઘટાડો નોંધાયો છે, જે રોકાણ કરવા ઇચ્છુક લોકો માટે મહત્વની બાબત છે.

ચાંદીનો ભાવ

ચાંદીના 10 ગ્રામનો ભાવ આજે ₹1,670 રહ્યો છે, જ્યારે ગઈકાલે તે ₹1,690 હતો, એટલે કે ₹20 નો ઘટાડો થયો છે. 100 ગ્રામ ચાંદીના ભાવમાં પણ ઘટાડો નોંધાયો છે અને આજે તે ₹16,700 છે, જે ગઈકાલ કરતાં ₹200 ઓછું છે. સૌથી મોટો ઘટાડો 1 કિલો ચાંદીના ભાવમાં જોવા મળ્યો છે, જે આજે ₹1,67,000 છે, જ્યારે ગઈકાલે તે ₹1,69,000 હતો, એટલે કે ₹2,000 નો ઘટાડો થયો છે.

આ પણ વાંચો : સોનાના ભાવમાં મોટો કડાકો! બજારમાં કેમ મચી હલચલ? જાણો શું બોલ્યાં નિષ્ણાંતો

બીજી તરફ, અમદાવાદમાં પણ આજે સોનું અને ચાંદીના ભાવ ઘટ્યા છે. અમદાવાદમાં 24 કેરેટ સોનું ₹12,502 પ્રતિ ગ્રામ, 22 કેરેટ સોનું ₹11,460 પ્રતિ ગ્રામ અને 18 કેરેટ સોનું ₹9,378 પ્રતિ ગ્રામ નોંધાયું છે. ચાંદીનો પ્રતિ ગ્રામ ભાવ આજે ₹167 અને પ્રતિ કિલો ₹1,67,000 નોંધાયો છે. ગુજરાતના સૌથી મોટા શહેર અમદાવાદમાં રોકાણકારો હવે ચાંદીમાં રોકાણને વધુ સારો વિકલ્પ માની રહ્યા છે. એક માહિતી અનુસાર લોકો હવે ચાંદીના ભાવમાં થતા નાના–મોટા ફેરફારોને ધ્યાનમાં રાખીને ખરીદી કરી રહ્યા છે. બદલતા બજારના આ ટ્રેન્ડને જોતા આવતા દિવસોમાં પણ સોવું-ચાંદીના ભાવોમાં વધુ ફેરફારો જોવા મળી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ