ફરમાન / આ બેંક એકાઉન્ટમાં રૂ. 10000નું એવરેજ મંથલી બેલેન્સ નથી, તો 6 ટકા દંડ ભરવા તૈયાર રહેજો!

બેંકે તેના ખાતાધારકો માટે એક નિર્દેશ જારી કર્યો છે, જેમાં કહેવામાં આવ્યું છે કે જો તમે તમારા ખાતામાં ઓછામાં ઓછા 10,000 રૂપિયા માસિક નહીં રાખો તો ભારે દંડ લાદવામાં આવશે. આ દંડ બાકી રહેલી રકમના 6 ટકા અથવા વધુમાં વધુ 500 રૂપિયા સુધી હોઈ શકે છે. આ નિર્દેશ ડેવલપમેન્ટ બેંક ઓફ સિંગાપોર (DBS) ઇન્ડિયા દ્વારા જારી કરવામાં આવ્યો છે. DBS બેંક ઈન્ડિયાની વેબસાઇટ અનુસાર, 1 ઓગસ્ટ, 2025 થી, સરેરાશ માસિક બેલેન્સ ન રાખવાનો ચાર્જ બેલેન્સના 6% રહેશે, જેની મહત્તમ મર્યાદા 500 રૂપિયા હશે. આ બેંકના બચત ખાતા માટે સરેરાશ માસિક બેલેન્સ (AMB) 10,000 રૂપિયા છે. ડીબીએસ બેંકે તેના ગ્રાહકો સાથે એસએમએસ દ્વારા પણ માહિતી શેર કરી છે.

શું 1 ઓગસ્ટથી નિયમો બદલાશે?

ડીબીએસ ઈન્ડિયાએ તેની વેબસાઇટ પર જણાવ્યું હતું કે 1 ઓગસ્ટ, 2025 થી, તમારા બચત ખાતાના પ્રકાર પર આધાર રાખીને, નોન-મેન્ટેનન્સ ચાર્જ બદલાશે. હવે ખાતાધારકોએ પહેલા કરતા વધારે સરેરાશ માસિક બેલેન્સ ન જાળવવા બદલ ચાર્જ ચૂકવવો પડશે.

1 મે 2025થી એટીએમ ચાર્જમાં પણ વધારો થયો છે.

RBI એ ATM ચાર્જમાં વધારાને મંજૂરી આપી હતી, જે 1મે, 2025થી અમલમાં આવશે. RBIના નોટિફિકેશન બાદ, DCB બેંકે ફ્રી ટ્રાન્ઝેક્શન મર્યાદા સમાપ્ત થયા પછી દરેક ATM રોકડ વ્યવહાર પર મહત્તમ 23 રૂપિયાનો ચાર્જ પણ લાદ્યો છે. અન્ય બેંકોની જેમ, DBS બેંક પણ મફત વ્યવહારો સમાપ્ત થયા પછી દરેક નોન-DBS બેંક ATM રોકડ ઉપાડ વ્યવહાર પર 23 રૂપિયા વસૂલ કરી રહી છે. જોકે, જો તમારું DCB બેંકમાં ખાતું હોય અને તમે DBS બેંકના ATMમાંથી ઉપાડ કરો છો તો તે મફત રહેશે. તમે કોઈપણ ચાર્જ વગર અમર્યાદિત વખત રોકડ ઉપાડી શકો છો.

ડીસીબી બેંકે માહિતી આપી હતી કે ભારતીય રિઝર્વ બેંક (RBI) દ્વારા જારી કરાયેલ માર્ગદર્શિકા અનુસાર, 1 મે, 2025 થી ATM રોકડ ઉપાડ ચાર્જ વધારીને પ્રતિ ટ્રાન્ઝેક્શન 23 રૂપિયા કરવામાં આવ્યો છે. બેંકે આ માહિતી ગ્રાહકોને મેઇલ દ્વારા આપી હતી.

નોંધનીય છે કે 28 માર્ચ, 2025ના રોજ, RBI એ કહ્યું હતું કે મફત વ્યવહારો ઉપરાંત, ગ્રાહક પાસેથી પ્રતિ વ્યવહાર મહત્તમ 23 રૂપિયા વસૂલ કરી શકાય છે. આ 1મે, 2025થી અમલમાં આવશે. જો આના પર કોઈ કર લાગુ પડે છે, તો તે વધારાનો હશે, જે વ્યવહાર પર આધાર રાખીને હોઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ