બિઝનેસ / સવારે ઉઠવાથી લઈને રાત્રે સૂવા સુધી દરેક આવશ્યક વસ્તુ સસ્તી થશે: નિર્મલા સીતારમણ

કેન્દ્ર સરકારે 22 સપ્ટેમ્બર 2025થી દેશભરમાં નવા GST દરો લાગૂ કરવાની જાહેરાત કરી છે. આ નિર્ણયથી ઘરેલું વપરાશના હજારો ઉત્પાદનો સસ્તા બનશે અને સામાન્ય માણસની ખિસ્સા પરનો ભાર ઘટશે. કેન્દ્રીય વિત્ત મંત્રી નિર્મલા સીતારમણે ચેન્નઈમાં આયોજિત કાર્યક્રમમાં આ જાહેરાત કરતા જણાવ્યું હતું કે, “આ નિર્ણય ભારતના દરેક નાગરિક માટે એક મોટી જીત છે.”

વિત્ત મંત્રીએ જણાવ્યું કે 99% આવશ્યક વસ્તુઓ પર હવે ઓછી જીએસટી લાગશે. અત્યારસુધી જે વસ્તુઓ પર 12% દરે GST વસુલાતો હતો, હવે તેમાં ઘટાડો કરીને માત્ર 5% કરવામાં આવ્યો છે. તેનાથી ટૂથપેસ્ટ, સાબુ, શેમ્પૂ, ખાદ્ય તેલ, ઘી, ચા, ટીવી, એસી જેવા રોજબરોજના વપરાશના ઉત્પાદનો સસ્તા થશે. 3 સપ્ટેમ્બર 2025ના રોજ GST કાઉન્સિલની 56મી બેઠક દિલ્હીમાં યોજાઈ હતી. આ બેઠકમાં મહત્વના નિર્ણય લેવામાં આવ્યા હતા. અત્યારસુધી જે ચાર અલગ અલગ GST સ્લેબ હતા 5%, 12%, 18% અને 28% તેમાં હવે ફેરફાર કરીને માત્ર બે મુખ્ય સ્લેબ રાખવામાં આવ્યા છે: 5% અને 18%. 12% અને 28%ના દરો હટાવવામાં આવ્યા છે.

જોકે, લક્ઝરી અને નુકસાનકારક વસ્તુઓ માટે એક અલગ 40% નો હાઈ સ્લેબ રહેશે. નવા દરોથી માત્ર ગ્રાહકોને નહીં પણ ઉત્પાદન ક્ષેત્રને પણ ફાયદો થશે. મંત્રી સીતારમણે જણાવ્યું કે ઇનપુટ કૉસ્ટ ઘટવાને કારણે ઉત્પાદન ખર્ચમાં ઘટાડો થશે. તેનાથી ઉદ્યોગકારોને નફો વધારવા અને ગ્રાહકોને ઓછી કિંમતે સામાન આપવા બંનેમાં સહૂલત થશે. તેમણે ઉમેર્યું કે, “સવારની પેસ્ટથી લઈને રાત્રે સૂતા પહેલા વપરાતા તમામ દૈનિક ઉત્પાદનોમાં હવે લોકોne સીધી બચત થશે.”

વધુમાં વાંચો: ભારત-પાકિસ્તાન મેચનો દેશભરમાં ઉગ્ર વિરોધ, BCCIની સાથે ભાજપ પર વિપક્ષના પ્રહાર

તહેવારો પહેલા રાહત: લોકસભા 2024ને ધ્યાને લઈ નિર્ણય?

નવા દરો 22 સપ્ટેમ્બરથી લાગૂ થશે જે દિવાળી પહેલાંનો સમય છે. વહીવટીતંત્રના સૂત્રો જણાવે છે કે, આ નિર્ણય માત્ર આર્થિક નહીં પરંતુ રાજકીય રીતે પણ મહત્વપૂર્ણ છે. સામાન્ય જનતાને તહેવારો પહેલા રાહત આપીને સરકાર લોકસભા 2024ની તૈયારી કરી રહી છે.વિત્ત મંત્રીએ કહ્યું કે, “દરેક રાજ્યોમાં તહેવાર મનાવવામાં આવે છે અને આ ફેરફાર દરેક નાગરિકના જીવનમાં સીધી અસર કરશે. આ એક નાણાકીય સુધારાની સાથે સાથે સમાજ માટે આશાજનક પગલું છે.” 22 સપ્ટેમ્બરથી લાગૂ થનારા GST સુધારાઓ સામાન્ય લોકો માટે મોટી રાહત લઈને આવશે. હજી પણ કેટલીક સ્પષ્ટતાઓની રાહ છે, પરંતુ મોટા ભાગના ઉત્પાદનોમાં કિંમત ઘટાડો નિશ્ચિત માનવામાં આવી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ