બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / ટેક અને ઓટો / BSNLનો ખાસ સેટેલાઇટ ફોન લોન્ચ! નેટવર્ક વગર પણ થશે કોલ અને SMS
6 ફોટો ગેલેરી
Last Updated: 10:18 AM, 10 July 2026
FOLLOW ON
શેર કરો
1/6
આ ફોન સામાન્ય સ્માર્ટફોનથી સંપૂર્ણપણે અલગ છે. તેની મદદથી પહાડ, જંગલ, દરિયાકાંઠા અને દુર્ગમ વિસ્તારોમાં પણ કોલિંગ અને મેસેજિંગ કરી શકાય છે. BSNLએ આ ફોનની કિંમત 1.34 લાખ રૂપિયા રાખી છે. ખાસ કરીને આપત્તિ વ્યવસ્થાપન, સુરક્ષા એજન્સીઓ અને દૂરના વિસ્તારોમાં કામ કરતા લોકો માટે આ ફોન ઉપયોગી સાબિત થઈ શકે છે. ચાલો જાણીએ આ સેટેલાઇટ ફોનની તમામ ખાસિયતો વિશે.
આ તસવીર શેર કરો
2/6
સરકારી ટેલિકોમ કંપની BSNLએ ભારતમાં નવો સેટેલાઇટ ફોન લોન્ચ કર્યો છે. તેની કિંમત અંદાજે 1.34 લાખ રૂપિયા રાખવામાં આવી છે. પહેલી નજરે આ કિંમત વધુ લાગી શકે છે, પરંતુ આ સામાન્ય સ્માર્ટફોન નથી. ખાસ કરીને એવા વિસ્તારો માટે તેને તૈયાર કરવામાં આવ્યો છે જ્યાં મોબાઇલ ટાવર ઉપલબ્ધ નથી અથવા કુદરતી આપત્તિના સમયે સમગ્ર નેટવર્ક ઠપ થઈ જાય છે.
આ તસવીર શેર કરો
3/6
આ ફોનની સૌથી મોટી ખાસિયત એ છે કે તે મોબાઇલ ટાવર પર નિર્ભર નથી. સામાન્ય મોબાઇલ ફોન કોલ કરવા માટે નજીકના ટાવર સાથે જોડાય છે, જ્યારે સેટેલાઇટ ફોન સીધો અવકાશમાં રહેલા સેટેલાઇટ સાથે કનેક્ટ થાય છે. તેથી જંગલ, પહાડી વિસ્તાર, સમુદ્ર વચ્ચે અથવા દૂરના પ્રદેશોમાં પણ સરળતાથી કોલિંગ અને SMS કરી શકાય છે.
આ તસવીર શેર કરો
4/6
આ ફોન એન્ડ્રોઇડ સ્માર્ટફોનની જેમ કામ કરતો નથી. તેમાં ટચસ્ક્રીન, સોશિયલ મીડિયા એપ્સ, વીડિયો સ્ટ્રીમિંગ અથવા હાઈ-સ્પીડ ઇન્ટરનેટ જેવી સુવિધાઓ ઉપલબ્ધ નથી. તેનો મુખ્ય હેતુ મુશ્કેલ પરિસ્થિતિઓમાં વિશ્વસનીય વોઇસ કોલિંગ અને SMS સેવા આપવાનો છે. નેટવર્ક ન હોય ત્યારે પણ સંપર્ક જાળવી રાખવા માટે આ ફોન બનાવવામાં આવ્યો છે.
આ તસવીર શેર કરો
5/6
આ સેટેલાઇટ ફોનનો ઉપયોગ મુખ્યત્વે આપત્તિ વ્યવસ્થાપન ટીમો, રાહત અને બચાવ કામગીરી સાથે જોડાયેલા કર્મચારીઓ, સુરક્ષા એજન્સીઓ, ખનન ઉદ્યોગ, તેલ અને ગેસ ક્ષેત્ર તેમજ સમુદ્રી પ્રવૃત્તિઓમાં કામ કરતા લોકો કરે છે. દૂરના અને નેટવર્ક વિહોણા વિસ્તારોમાં કામ કરતા લોકો માટે આ ફોન ખૂબ જ ઉપયોગી સાબિત થઈ શકે છે.
આ તસવીર શેર કરો
6/6
માત્ર ફોન ખરીદવાથી તેનો ઉપયોગ શરૂ થઈ શકતો નથી. સેટેલાઇટ ફોન ચલાવવા માટે BSNLનો સેટેલાઇટ સર્વિસ પ્લાન લેવો જરૂરી છે. આ પ્લાનમાં માસિક રેન્ટલ અને કોલ ચાર્જ અલગથી ચૂકવવા પડે છે. ઉપરાંત સરકારના નિયમો મુજબ કનેક્શન લેવા માટે ઓળખપત્ર અને જરૂરી દસ્તાવેજો આપવાના રહેશે તેમજ ફોનનો ઉપયોગ ક્યાં અને કયા હેતુ માટે કરાશે તેની માહિતી પણ આપવી પડશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
