ચોમાસું / ઓગળતી માટલીથી ગુજરાતના આ ગામમાં જોવાય છે વરસાદનો વરતારો, Video જોશો તો વિચારતા રહી જશો

આપણે ત્યાં વરસાદનો વરતારો મેળવવા અલગ-અલગ રીતો પ્રચલિત છે.. કોઇ વરસાદનો વર્તારો ટીટોડી તેના ઇંડા કેટલી ઉંચાઇ પર મુકે છે તેના પરથી મેળવે છે.. તો કોઇ વરસાદનો વર્તારો હોળીની જ્વાળાઓ કઇ દિશામાં અને કેવી છે તેના પરથી મેળવે છે... આવી જ વરસાદનો વર્તારો મેળવવાની એક અનોખી પરંપરા લીંબડી તાલુકાના બળોલ ગામમાં આજે પણ છે.જ્યાં ચાર મટકીઓ લાવી ચોમાસાના ચાર મહિનાના વરસાદનો વર્તારો મેળવવામાં આવે છે.

લીંબડી તાલુકાના બળોલ ગામમાં આજે પણ અખાત્રીજને દિવસે વરસાદનો વરતારો જોવાની પરંપરા યથાવત છે. .પ્રજાપતિ સમાજના કુંભાર દ્વારા નવી માટી લાવી ચાકડા ઉપર નવી ચાર મટકીઓ બનાવી તેને અષાઢ, શ્રાવણ, ભાદરવો અને આસો નામ આપવામાં આવે છે..જે મહિનાની મટકી જેટલી ઝડપી ઓગળી જાય તે મહિનામાં વરસાદ સારો થાય તેવી લોકોમાં માન્યતા છે...

આ પણ વાંચોઃ ગુજરાતમાં આવતી કાલથી વીજળીના કડાકા-ભડાકા સાથે પડશે વરસાદ, રાજ્યના આ વિસ્તારો રહે એલર્ટ

છેલ્લી ચાર પેઢીથી પ્રજાપતિ સમાજ દ્વારા વરસાદનો વરતારો જોવાની આ પરંપરા યથાવત છે. મહત્વપૂર્ણ છે કે

આ વખતે તમામ વર્તારાઓએ ચોમાસામાં સારા વરસાદનો સંકેત આપ્યો છે.