મનોરંજન / લલાટે ચંદન, માથે દુપટ્ટો... ભારે હિમવર્ષા વચ્ચે જેક્લીન ફર્નાન્ડીઝ પહોંચી કેદારનાથના શરણે

• 17 લાખ લોકોએ કર્યા કેદારનાથના દર્શન
• એક્ટ્રેસ જેક્લીન પણ પહોંચી ચારધામના દર્શને 
• સોમવારે કર્યા કેદારનાથના દર્શન

ચારધામ યાત્રા દર વર્ષે એક નવો રેકોર્ડ તોડી રહી છે. ચારધામ યાત્રાના મહત્વપૂર્ણ ધામોમાં શામેલ 11માં જ્યોતિર્લિંગ કેદારનાથ ધામે બધા જ જુના રેકોર્ડ તોડીને સોમવારે નવો રેકોર્ડ કાયમ કર્યો છે. 

Uttarakhand | Actress Jacqueline Fernandez arrived for the darshan at Kedarnath Dham today. pic.twitter.com/AhtUJfwk1v

— ANI UP/Uttarakhand (@ANINewsUP) October 16, 2023

20 લાખને પાર પહોંચી શકે છે શ્રદ્ધાળુઓની સંખ્યા
બાબા કેદારનાથના દર્શન માટે શ્રદ્ધાળુઓની સંખ્યા 17 લાખના પાર પહોંચી ગઈ છે. કપાટ બંધ થવામાં એક મહિનાનો સમય બાકી છે. એવામાં આશા રાખવામાં આવી રહી છે કે આ વર્ષે કેદારનાથ પહોંચનાર શ્રદ્ધાળુઓની સંખ્યા 20 લાખને પાર પહોંચી શકે છે. એવામાં અભિનેત્રી જેક્લીન ફર્નાડીઝ પણ સોમવારે કેદારનાથમાં દર્શન માટે પહોંચી હતી. 

જેકલીને કર્યા કેદારનાથના દર્શન 
સોમવારે અભિનેત્રી જેક્લીન ફર્નાંડીસે પણ કેદારનાથ ધામના દર્શન કર્યા. કેદારનાથ ઉત્થાન ચેરિટેબલ ટ્રસ્ટના સંયુક્ત સચિવ અને બદરીનાથ કેદારનાથ મંદિર સમિતિના મુખ્ય કાર્યધિકારી યોગેંદ્ર સિંહે તેમનું સ્વાગત કર્યું. જેક્લીને બાબા કેદારની પૂજા-અર્ચના કરી અને આશીર્વાદ લીધા. તેમણે મંદિર સમિતિના ધામના પ્રસાદ અને રૂદ્રાક્ષની માળા ભેંટ કરી.