કામની વાત / જો તમને પણ છે ટેટૂ દોરાવવાની આદત, તો ખાસ વાંચી લેજો, નહીં મળે આ સરકારી નોકરીઓમાં ચાન્સ

• શરીર પર ટેટૂ હોય તો સરકારી જોબ મળે? 
• જાણો શું છે નોકરી અને ટેટૂના નિયમો
• આ નોકરીઓમાં ન હોવું જોઈએ શરીર પર ટેટૂ 

યુવાઓ વચ્ચે આજકાલ ટેટૂનો ક્રેઝ ખૂબ જ વધી ગયો છે. એવામાં ઘણી વખત સવાલ ઉઠે છે કે શું શરીર પર ટેટૂ બનેલું હોય તો સરકારી નોકરી મળવામાં કોઈ સમસ્યા આવે છે? શું ટેટૂ કરાવવાની પરમિશન નથી? એવી ઘણી નોકરીઓની લિસ્ટ જોઈએ જેમાં શરીર પર ટેટૂ હોવા પર નોકરી નથી મળતી અને જો તમે પહેલાથી નોકરી કરી રહ્યા છો તો ટેટૂ ન બનાવી શકો. 

આ નોકરીઓમાં જવું હોય તો શરીર પર ન હોવું જોઈએ ટેટૂ 
જે નોકરીઓમાં શરીર પર ટેટૂ કરાવવા પર પ્રતિબંધ છે તે છે- ઈન્ડિયન એડમિનિસ્ટ્રેટિવ સર્વિસ, ઈન્ડિયન પોલીસ સર્વિસ, ઈન્ડિયન રેવેન્યૂ સર્વિસ, ઈન્ડિયન ફોરેન સર્વિસ, ઈન્ડિયન એરફોર્સ, ઈન્ડિયન કોસ્ટગાર્ડ, ઈન્ડિયન આર્મી, ઈન્ડિયન નેવી, પોલીસ. તેમાંથી કોઈ પણ ફિલ્ડમાં જો આવવા માંગો છો તો શરીર પર ટેટૂ ન કરાવતા અને જો પહેલાથી બનાવેલું છે તો લેઝરની મદદથી તેને હટાવી લો. 

જો ટ્રાઈબલ કમ્યૂનિટીના છે 
અમુક નોકરીઓમાં જો કેન્ડિડેટ ટ્રાયબલ કમ્યૂનિટી સાથે સંબંધ ધરાવે છે તો ટેટૂ અલાઉ થઈ જાય છે. પરંતુ એવામાં પણ તે નાનું હોય અને કમ્યુનિટી સાથે સંબંધ ધરાવતું હોય તો ક્યાંક ક્યાંક તેની પરમિશન મળી જાય છે. ફેશનેબલ ટેટૂ કે કોઈની ભાવનાઓને આહત કરે તેવું ટેટૂ બનાવવું એલાઉ નથી. 

ટેટૂ પોલિસીનું પાલન 
મોટાભાગની જગ્યાઓ પર ટેટૂ માટે પોલિસી ચાલે છે અને જો કેન્ડિડેટ તેની લિમિટમાં આવે છે તો તેને નોકરી મળવામાં સમસ્યા થાય છે. જેમ કે એરફોર્સ, ઈન્ડિયન નેવી, કોસ્ટ ગાર્ડ, ડિફેંસમાં જો તમારા શરીરમાં ક્યાંય પણ ટેટૂ હોય તો નોકરી નથી મળતી. 

અહીં પણ નથી મળતી એન્ટ્રી 
હેલ્થકેર પ્રોફેશનલ, લો ઈન્ફોર્સમેન્ટ, લો ફર્મ્સ, એડમિનિસ્ટ્રેટિવ આસિસ્ટન્ટ, ફાઈનાન્શિયલ ઈન્સ્ટીટ્યૂશંસ, ટીચર, બેંકના પણ અમુક એવા સેક્ટર છે જ્યાં ટેટૂ હોવા પર જોબ નથી મળતી અથવા તો ખૂબ મુશ્કેલીઓ આવે છે.