Lok Sabha Election 2024: હેમાંગ જોષી ભાજપ યુવા મોરચામાં કામ કરી ચુક્યા છે તેમજ રાષ્ટ્રીય સ્વયંસેવક સંઘ સાથે જોડાયેલા છે. વ્યવસાયે તબીબ છે તેમજ મૂળ પોરબંદરના વતની છે
Share
લોકસભા ચૂંટણીનું રણશિંગુ ફૂંકાઈ ચુક્યુ છે. વડોદરા લોકસભા બેઠક પર ભાજપ અને કોંગ્રેસે યુવા ઉમેદવારોની પસંદગી કરી છે. ભાજપે રંજનબેન ભટ્ટનુ નામ જાહેર કર્યા બાદ ઉમેદવાર બદલી ડૉ.હેમાંગ જોશીને મેદાને ઉતાર્યા છે. જ્યારે કોંગ્રેસે જશપાલસિંહ પઢીયારને ટિકિટ આપી છે. બંને ઉમેદવારો પૂરજોશમાં પ્રચાર કરીને મતદારોને રિઝવવા પ્રયાસ કરી રહ્યા છે. વડોદરા શહેરને સ્વચ્છ શહેર બનાવીને રેલવે, બસ તેમજ એર કનેક્ટિવિટીથી જોડવાનો પ્રયાસ કરવાનો ભાજપના ઉમેદવારે દાવો કર્યો છે. જ્યારે વડોદરા બેઠક પર અઢી દાયકાથી ભાજપના ઉમેદવાર જીતતા હોવા છતાં શહેરનો જોઈએ તેવો વિકાસ કરી ન શક્યા હોવાનો આક્ષેપ કરી કોંગ્રેસના ઉમેદવાર વિકાસમાં રહી ગયેલી ખામીઓ જણાવીને મતદારોને રિઝવવા પ્રયાસ કરી રહ્યા છે.
વડોદરા લોકસભા બેઠકના ઉમેદવાર
ભાજપ ડૉ.હેમાંગ જોષી
કોંગ્રેસ જશપાલસિંહ પઢીયાર
કોણ છે ડૉ.હેમાંગ જોષી?
હેમાંગ જોષી ભાજપ યુવા મોરચામાં કામ કરી ચુક્યા છે તેમજ રાષ્ટ્રીય સ્વયંસેવક સંઘ સાથે જોડાયેલા છે. વ્યવસાયે તબીબ છે તેમજ મૂળ પોરબંદરના વતની છે. નગર પ્રાથમિક શિક્ષણ સમિતિમાં ઉપાધ્યક્ષ છે.
કોણ છે જશપાલસિંહ પઢીયાર?
જેઓ પાદરાના પૂર્વ ધારાસભ્ય છે તેમજ ક્ષત્રિય સમાજનો અગ્રણી ચહેરો અને એકલબારા રાજવી પરિવારમાંથી આવે છે. સ્થાનિક સ્તરે સ્વીકૃત ચહેરો છે. જશપાલસિંહ નિર્વિવાદીત છબી છે
2019નું પરિણામ
ભાજપ રંજનબેન ભટ્ટ
પરિણામ જીત
કોંગ્રેસ પ્રશાંત પટેલ
પરિણામ હાર
વડોદરા લોકસભામાં કેટલી વિધાનસભા સમાવિષ્ટ?
સાવલી
વાઘોડિયા
વડોદરા શહેર
સયાજીગંજ
અકોટા
રાવપુરા
માંજલપુર
વડોદરા બેઠકનો ઈતિહાસ
1991 સુધી મોટેભાગે કોંગ્રેસના કબ્જામાં બેઠક હતી. 1991માં ભાજપે દીપિકા ચીખલીયાને મેદાને ઉતાર્યા હતા. ઉલ્લેખનીય છે કે, 1991માં પહેલીવાર ભાજપે આ બેઠક ઉપરથી જીત મેળવી હતી. 1996માં સત્યજીતસિંહ ગાયકવાડ કોંગ્રેસ તરફથી આ બેઠક ઉપર જીત્યા છે. તો 1996 પછી વડોદરા બેઠક સતત ભાજપ પાસે જ રહી છે. 2014માં નરેન્દ્ર મોદી વારાણસી ઉપરાંત વડોદરા બેઠકથી જીત્યા હતા. નરેન્દ્ર મોદીએ વડોદરા બેઠક ખાલી કરી અને પેટાચૂંટણીમાં રંજનબેન ભટ્ટ જીત્યા હતાં.
વડોદરા બેઠકનું જ્ઞાતિ ગણિત
વડોદરામાં OBC મતદાર નિર્ણાયક સાબિત થઈ શકે છે. વડોદરા લોકસભામાં આશરે 4.27 લાખ OBC મતદાર છે. મહારાષ્ટ્રીયન મતદાર પણ મહત્વની ભૂમિકામાં ભજવે છે. વડોદરામાં મહારાષ્ટ્રીયન મતદારની સંખ્યા લગભગ 3 લાખ 49 હજાર છે. જેમાં વૈષ્ણવ, પાટીદાર અને ક્ષત્રિય મતદાર પણ મહત્વના સાબિત થાય છે
