તમારા કામનું / પુરુષો માટે બની રહી છે ગર્ભનિરોધક ગોળી: જાણો કઈ રીતે અઢી કલાક માટે રોકાઈ જશે સ્પર્મ, વૈજ્ઞાનિકોની નવી શોધ

• વૈજ્ઞાનિકોએ પુરૂષો માટે બનાવી ગર્ભનિરોધક ગોળી 
• વૈજ્ઞાનિકોને આ ક્ષેત્રમાં મળી મોટી સફળતા 
• મનુષ્યો પર કરવામાં આવશે તેનું ક્લિનિકલ ટ્રાયલ 

મહિલાઓની ગર્ભનિરોધક ગોળીઓની જેમ જ વૈજ્ઞાનિકો પુરૂષો માટે ગર્ભનિરોધક ગોળી બનાવી રહ્યા છે. વૈજ્ઞાનિકોને તેમાં એક મોટી સફળતા મળી છે. તેમણે એક એવી ગર્ભનિરોધક દવા વિકિત કરી છે જે અસ્થાયી રીત શુક્રાણુઓને પોતાના રસ્તામાં આવવાથી રોકીને ઉંદરોમાં ગર્ભધારણને રોક્યું છે. 

પુરૂષો માટે અત્યાર સુધી હતો ફક્ત 1 જ વિકલ્પ 
અમેરિકાની વીલ કોર્નલ મેડિસિનના સંશોધકે કહ્યું કે અત્યાર સુધી પુરૂષો માટે ગર્ભનિરોધકનો એક માત્ર વિકલ્પ કોન્ડોમ હતો. સંશોધકોએ કહ્યું કે હાલમાં પુરૂષો માટે બનાવવામાં આવી રહેલી ગર્ભનિરોધક ગોળીઓ પર રિસર્ચ એટલા માટે રોકવામાં આવ્યું કારણ કે તેને ઘણા સાઈડ ઈફેક્ટ્સ સામે આવ્યા હતા. 

ઉંદરો પર કરવામાં આવ્યું રિસર્ચ 
પુરૂષ ગર્ભનિરોધક ગોળીઓ પર સ્ટડીના આ વરિષ્ઠ લેખકો લોની લેવિન અને જોચેન બકની ટીમે જોયું કે ઉંદરોમાં આનુવંશિક રીતે એક મહત્વપૂર્ણ સેલુલર સિગ્નલિંગ પ્રોટીન, સોલ્યુબલ એડેનલીલ સાઈક્લેઝ કહેવામાં આવે છે તેની કમી હોય છે. 

અઢી કલાક માટે રોકે છે સ્પર્મ 
નેચર કમ્યુનિકેશન્સ પત્રિકામાં પ્રકાશિત સ્ટડીમાં જણાવવામાં આવ્યું કે sAC અવરોધકના એક ડોઝ, TDI-11861 ઉંદરના શુક્રાણુઓને અઢી કલાક સુધી સ્થિર કરી દે છે. સંભોગ બાદ મહિલા પ્રજનનના રસ્તામાં ઉંદરના શુક્રાણુ નિષ્ક્રિય બની રહ્યા છે. 

સંશોધકોએ જણાવ્યું કે ત્રણ કલાક બાદ, અમુક શુક્રાણુમાં ગતિ આવી અને 24 કલાક સુધી લગભગ બધા શુક્રાણુઓ સામાન્ય ગતિમાં આવી ગયા. TDI-11861નો ડોઝ લેનાર નર ઉંદરને માદા ઉંદરની સાથે રાખવામાં આવ્યા હતા. ઉંદરે સામાન્ય રીતે સંભોગ કર્યો પરંતુ 52 અલગ અલગ વખત સંભોગ બાદ પણ માદા ઉંદર ગર્ભવતી ન થઈ. 

કઈ રીતે કામ કરે છે આ ગોળી? 
સંશોધકોએ કહ્યું, "અમારી આ ગોળી 30 મિનિટથી એક કલાકની અંદર કામ કરે છે. જ્યારે બીજી ગર્ભનિરોધકોમાં શુક્રાણુઓની સંખ્યાને ઓછુ કરવા અથવા તેમને ઈંડાને નિષેચિત કરવામાં અસમર્થ થવા માટે અઠવાડિયું લાગી જાય છે."

સંશોધકોનું કહેવું છે કે sAC અવરોધકની ગોળીઓનો પ્રભાવ વધારે સમય સુધી નથી રહેતો અને પુરૂષ તેને ફક્ત ત્યારે જ લે છે જ્યારે તેમને જરૂર હોય. તેનાથી પુરૂષોની પોતાની પ્રજનન ક્ષમતાને લઈને રોજ નિર્ણય લેવાની આઝાદી મળશે. 

હવે મનુષ્યો પર થશે રિસર્ચ 
લેવિને જણાવ્યું કે તેમની ટીમ એ ગોળીએને ઉંદર પર સફળ પરીક્ષણ કરી ચુકી છે અને તે મનુષ્યોમાં તેના ટ્રાયલને લઈને કામ કરી રહી છે. સંશોધકોએ હવે આ પ્રયોગને એક અલગ પ્રીક્લિનિકલ મોડલમાં પુનરાવર્તિત કરશે. ત્યાર બાદ મનુષ્યો પર આ દવાનું ક્લિનિકલ ટ્રાયલ શરૂ થશે. જો પરીક્ષણ સફળ થશે તો પુરૂષો માટે એક ગર્ભનિરોધક ગોળી બજારમાં આવી જશે.