રહસ્યમય ઘટના / 'પપ્પા હું તો જીવતી છું', ચિતા સળગીને રાખ થયા બાદ આવ્યો દીકરીનો ફોન, હવે બન્યું માથું ફરી જાય તેવું

• બિહારના પૂર્ણિયામાં અજીબ ઘટના
• પરિવારે ભૂલથી ભાગેલી દીકરીને મરેલી માનીને કર્યાં અંતિમ સંસ્કાર
• પોતે જીવતી છે તેવું કહેવા દીકરીએ પિતાને કર્યો ફોન 

બિહારના પૂર્ણિયાના એક ગામના પરિવારને દીકરીને બદલે એક અજાણી મહિલાના અંતિમ સંસ્કાર કરવાનો વારો આવ્યો. એ તો મરેલી મનાતી દીકરીના અંતિમ સંસ્કાર બાદ તેનો ફોન આવ્યો અને તેણે પોતે જીવતી હોવાનો પુરાવો આપ્યો ત્યારે બધાને ખબર પડી કે તેમણે કોઈ બીજાના અંતિમ સંસ્કાર કરી નાખ્યાં, આ ઘટનાથી હસવું કે રડવું એ કોઈ નક્કી ન કરી શક્યું અને ઉલટાનું લોકો જીભે આ કિસ્સાનો ચર્ચાઈ રહ્યો છે. પૂર્ણિયામાં એક પરિવારે દીકરીના અંતિમ સંસ્કાર કર્યા અને શ્રાદ્ધ કર્મની તૈયારીમાં લાગી ગયા હતા. આ દરમિયાન અંશું નામની છોકરીએ  વીડિયો કોલ કરીને કહ્યું- પાપા, હું હજુ જીવિત છું. ત્યાર બાદ લોકોને આશ્ચર્ય થાય છે. પોલીસને એ વાતની પણ ચિંતા સતાવી રહી છે કે જો તે અંશુ કુમારીની લાશ ન હતી તો કોની હતી. ત્રણ દિવસ સુધી ઘરમાં શોક હતો. પિતાએ દીકરીની અર્થી પણ સજાવી દીધી હતી. અંતિમયાત્રામાં ગ્રામજનો જોડાયા હતા. રડી રડીને પરિવારની હાલત ખરાબ થઈ ગઈ હતી. પિતાએ ભારે મને દીકરીને અંતિમ વિદાય આપી અને દાદાએ તેની અંતિમવિધિ કરી હતી. અંશુના અંતિમ સંસ્કારના થોડા સમય બાદ તેનો વીડિયો કોલ આવ્યો કે પપ્પા હું તો હજી જીવતી છું, આ બધાને બધો મોટો આંચકો લાગ્યો. હવે મોટો સવાલ ઊભો થયો કે તેમણે જે લાશના અંતિમ સંસ્કાર કરી નાખ્યા તે કોની હતી. સાથે જ પરિવારજનોને એ વાતની ચિંતા સતાવી રહી છે કે લાશની ઓળખ કરવામાં તેમણે કેવી રીતે ભૂલ કરી, જેના કારણે તેમની જીવતી દીકરીના અંતિમ સંસ્કાર કરવામાં આવ્યા. આ ઘટના વિસ્તારમાં ચર્ચાનો વિષય બની રહી છે.

એક મહિનાથી ગુમ થઈ દીકરી, પિતાએ લાશની ઓળખ કરી
15 ઓગસ્ટના રોજ દઢવા ગામની નહેરમાં એક અજાણી યુવતીની લાશ તરતી મળી આવી હતી. તસવીર સોશિયલ મીડિયા પર વાયરલ થયા બાદ લાશની ઓળખ પોતાની પુત્રી અંશુ કુમારી તરીકે થઈ હતી. ઘણા દિવસોથી પાણીમાં રહેવાને કારણે તેનો ચહેરો ઓળખાયો તેવો રહ્યો નહોતો.  આંગળી અને કાપડના આધારે પરિવારજનોએ લાશની ઓળખ અંશુ તરીકે કરી હતી. આમેય 15 દિવસ પહેલા અંશુ ઘેરથી ગુમ થઈ હતી, ખૂબ શોધખોળ કરવા છતાંય પણ તેનો કંઈ પતો લાગતો નહોતો આથી પરિવારને લાગ્યું કે તેની હત્યા થઈ છે અને જે લાશ મળી છે તે અંશુની છે. અંશુ કુમારીએ ઘરેથી ગુમ થઈને પોતાના પ્રેમી સાથે એક મંદિરમાં લગ્ન કર્યા હતા. પરંતુ જ્યારે અંતિમ સંસ્કારના સમાચાર મીડિયામાં આવ્યાં ત્યારે અંશુને આંચકો લાગ્યો અને તરત તેણે તેના પપ્પાને ફોન કરીને કહ્યું કે પોતે જીવતી છે. 

લાશ કોની, હવે પોલીસ માટે ખરો પડકાર 
હવે સવાલ એ છે કે પરિવારે અંશુ માનીને જે લાશના અંતિમ સંસ્કાર કર્યાં તે કોની હતી. મરેલી છોકરી સાથે રેપ અને હત્યાની પણ આશંકા વ્યક્ત કરવામાં આવી છે. અજાણ્યા મૃતદેહનો અંતિમ સંસ્કાર કરવામાં આવ્યો હતો, પરંતુ તેના કપડાં અને ઓળખ માટે જરૂરી ચીજવસ્તુઓ હજુ પણ સલામત છે. પોલીસ હવે નવેસરથી તેની ઓળખ કરવાનો પ્રયાસ કરશે.