અંદરખાને / ગુજરાતના સૌથી મોટા કદના બજેટની જાહેરાત કરવાનો પ્લાન, આ વિભાગને કરોડો ફળવાય તેવા સંકેત

• ગુજરાત બજેટને લઇને સૌથી મોટા સમાચાર
• 24 ફેબ્રુઆરીએ રજૂ થશે ગુજરાતનુ બજેટ 
• અત્યાર સુધીના સૌથી મોટા કદના બજેટની થશે જાહેરાત 

ગુજરાત બજેટને લઇને સૌથી મોટા સમાચાર સામે આવ્યા છે. 24 ફેબ્રુઆરીએ રજૂ ગુજરાત રાજ્યનુ બજેટ રજૂ થશે. સૂત્રો દ્વારા મળતી માહિતી અનુસાર અત્યાર સુધીના સૌથી મોટા કદના બજેટની જાહેરાત થશે. પાપ્ત વિગતો મુજબ ગત બજેટ કરતા 20 ટકા વધુ નાણાંકીય ફાળવણીની જાહેરાત કરાઇ શકે છે. 

ટુરીઝમ ડીપાર્ટમેન્ટ અલગ વિભાગ બનશે
પાપ્ત માહિતી મુજબ સૌથી વધુ બજેટ પ્રવાસન વિભાગને ફળવાશે જેમાં પ્રવાસન વિભાગને અલગ વિભાગનો દરજ્જો મળી શકે છે. જે સમગ્ર બાબતની ગુજરાતના આગામી બજેટમા જાહેરાત થશે. ટુરીઝમ ડીપાર્ટમેન્ટને અલગ ડીપાર્ટમેન્ટ ઘોષિત કરવાની જાહેરાત થશે. અત્યાર સુધી ઉદ્યોગ વિભાગ અંતર્ગત પ્રવાસન વિભાગનુ સ્થાન હતુ. અલગ વિભાગ બનવાથી આ વિભાગના ટોપ ટુ બોટમ સ્વતંત્ર અધિકારીઓ નિમાશે.

અંદાજે 2100 કરોડ રુપિયાનુ બજેટ ટુરીઝમને ફાળવાઈ શકે
મળતી વિગતો મુજબ ગુજરાતના ઇતિહાસમાં ક્યારેય ના ફળવાયુ હોય એટલુ બજેટ ટુરીઝમને ફળવાઇ શકે છે. અંદાજે 2100 કરોડ રુપિયાનુ બજેટ ટુરીઝમને ફાળવવાની બજેટમા જાહેરાત થઈ શકે છે. અત્યાર સુધી પ્રવાસનને ફાળે અંદાજિત 450 કરોડ રુપિયા આવતા હતા.  સૌથી વધુ બજેટ ફાળવણીમા પ્રવાસન વિભાગ મેદાન મારશે તેવી ચર્ચાઓ ચાલી રહી છે.

બજેટ સત્ર પહેલા ભાજપના MLAની મળશે બેઠક
બજેટ સત્ર પહેલા ભાજપના MLAની બેઠક મળશે. આજે સાંજે વિધાનસભામાં ધારાસભ્ય દળની બેઠક મળશે જેમાં CM ભૂપેન્દ્ર પટેલના બીજી ટર્મના બજેટ અંગે મંથન થશે. મુખ્યમંત્રી ભૂપેન્દ્ર પટેલ અને પ્રદેશ પ્રમુખ સી.આર.પાટીલની હાજરીમાં આ બેઠક મળશે. બજેટ સત્રમાં નવનિયુક્ત MLA પણ હાજર રહેશે અને તેમને બજેટ ચર્ચામાં ભાગ લેવા અનુરોધ કરાશે. તમને જણાવી દઈએ કે, આવતીકાલથી શરૂ થતાં બજેટ સત્ર 29 માર્ચ સુધી યોજાશે. 29 માર્ચ સુધી યોજાનાર વિધાનસભામાં બજેટ સત્ર અને ત્રણ બિલો પ્રસાર થશે. છેલ્લા દિવસે કેગનો રિપોર્ટ જાહેર થશે. 

25 દિવસ સુધી ચાલશે બજેટ સત્ર
ગુજરાત વિધાનસભાનું બજેટ સત્ર 23 ફેબ્રુઆરીથી 29 માર્ચ સુધી યોજાશે. મળતી જાણકારી અનુસાર, 24 ફેબ્રુઆરીએ વિધાનસભામાં બજેટ રજૂ કરવામાં આવશે. વિધાનસભા સત્રમાં 27 બેઠકો મળશે. 25 દિવસ સુધી ચાલનારા બજેટ સત્રમાં 23 ફેબ્રુઆરીએ રાજ્યપાલ સંબોધન કરશે.