ગર્વ / ભૂતાનમાં સન્માનિત થશે PM મોદી, થિંપૂ સરકારે કરી સર્વોચ્ચ નાગિરક સન્માનની જાહેરાત

• PM મોદીના નામે વધુ એક ઉપલબ્ધિ 
• મોદીને ભૂટાનના સર્વોચ્ચ નાગરિક સન્માનથી નવાજવામાં આવશે
• PM મોદીને આંતરરાષ્ટ્રીય સન્માનથી નવાજમાં આવશે

મોદીને ભૂટાનના સર્વોચ્ચ નાગરિક સન્માનથી નવાજવામાં આવશે

PM મોદીના નામે વધુ એક ઉપલબ્ધિ જોડાઈ છે. તેમણે જલ્દી વધુ એક આંતરરાષ્ટ્રીય સન્માનથી નવાજમાં આવશે. હકિકતમાં ભૂતાન સરકારે પીએમ મોદીને ભૂટાનના સર્વોચ્ચ નાગરિક સન્માન Ngadag pel gi khorloથી સન્માનિત કરવાની જાહેરાત કરી છે. ભૂતાનના પ્રધાનમંત્રી કાર્યાલય તરફથી આ વાતની જાણકારી મળી છે.

ભાજપના રાષ્ટ્રીય અધ્યક્ષ જેપી નેડ્ડાએ પીએમ મોદીને અભિનંદન આપ્યા

જાણકારી આપતા ભૂતાન પીએમ કાર્યાલયે લખ્યું છે કે પ્રધાનમંત્રી નરેન્દ્ર મોદીએ કોઈ શરત વગર દોસ્તી, ભૂતાન માટે તેમનું સમર્થન અને વિશેષ રીતે કોરોના મહામારી દરમિયાન મદદ માટે ભૂતાન તેમને સર્વોચ્ચ નાગરિકનું સન્માન કરવાનો નિર્ણય કર્યો છે. વધુમાં લખ્યું છે કે ભૂતાનનો દરેક નાગરિક તેમને આ માટે અભિનંદન પાઠવે છે. આ ઉપલબ્ધિ પર ભાજપના રાષ્ટ્રીય અધ્યક્ષ જેપી નેડ્ડાએ પીએમ મોદીને અભિનંદન પણ આપ્યા.