બાયડ / ભાઈ કયો મામલદાર છે..નહીં થાય બંધ જે..' રોડની સાઈડ પર ધંધો કરતાં નાના વેપારીઓને હટાવાતા બાયડના ધારાસભ્ય અને મામલતદાર વચ્ચે જાહેરમાં તણખા

• બાયડના ધારાસભ્ય અને મામલતદાર થઈ બોલાચાલી
• રોડની સાઇડ પર ધંધો કરતા વેપારીને હટાવાતા થઇ બોલાચાલી
• ટ્રાફિકની કામગીરી કરવા નીકળ્યા હતા મામલતદાર અને પોલીસની ટીમ

અરવલ્લી જિલ્લાના બાયડના કોંગ્રેસના ધારાસભ્ય ધવલસિંહ ઝાલાનો એક વીડિયો વાયરલ થયો છે. જેમાં ટ્રાફિકનું નિયંત્રણ કરવા નીકળેલા મામલતદાર અને પોલીસને ટીમ સાથે ધારાસભ્ય ધવલસિંહે બબાલ કરી હતી. આ બબાલ બાયડમાં દિવાળીમાં રોડની સાઇડ પર ધંધો કરતા વેપારીને હટાવાતા વખતે થઈ હતી. આ દરમિયાન ધારાસભ્ય અને મામલતદાર વચ્ચે તૂતૂ મેમે થઈ હતી.. દિવાળીના તહેવારમાં નાના વેપારીને હટાવાતા ધવલસિંહ ઝાલા અધિકારીઓ પર ગુસ્સે થઈ ગયા હતા. 

મહત્વનું છે કે હાલ દિવાળીના તહેવારો નિમિત્તે બજારમાં નાના વેપારીઓ રોડની સાઇડમાં ધંધો કરતા હોવાથી ટ્રાફિક જામની સમસ્યા વધુ રહેતી હોય છે. આવા સમયે ટ્રાફિક નિયંત્રણ કરવું એ પણ ટ્રાફિક પોલીસ અને તંત્ર માટે પડકાર રૂપ બની રહે છે.