લ્યો બોલો / ભિખારી પાસેથી મળ્યા અધધધ રુપિયા, રોકડા અને સિક્કા જોઈને તમારુ મગજ ચકરાવે ચડી જશે

ઉત્તરાખંડના રુદ્રપુર શહેરમાંથી એક એવી ઘટના સામે આવી છે જે સાંભળીને લોકોના હોશ ઉડી ગયા. છેલ્લા 12 વર્ષથી એક ઘર સામે ભીખ માંગતી એક માનસિક રીતે અસ્થિર મહિલાના થેલામાંથી લાખો રૂપિયાનું રોકડ અને સિક્કા ભરેલા બંડલ મળી આવ્યા હતા. પઠાણપુરા વિસ્તારમાં રહેતા સ્થાનિક લોકોએ જણાવ્યું કે આ મહિલા વર્ષોથી એ જ જગ્યાએ બેસીને ભીખ માંગતી હતી. થોડા દિવસ પહેલાં જ્યારે કેટલાક લોકોએ તેને બીજે લઈ જવાનો પ્રયાસ કર્યો, ત્યારે તેના બે મોટા થેલા ખૂબ જ ભારે લાગ્યા. લોકોની ઉત્સુકતાથી જ્યારે થેલા ખોલવામાં આવ્યા, ત્યારે અંદરથી 10, 20, 50 અને 500 રૂપિયાના નોટોના બંડલ સાથે સિક્કાં ભરેલા પોટલા મળી આવ્યા.

ગણતરીમાં આખો દિવસ લાગી ગયો

લોકોએ તરત જ પોલીસને જાણ કરી. સવારે શરૂ થયેલી નોટો અને સિક્કાંની ગણતરી સાંજ સુધી ચાલતી રહી. અત્યાર સુધીમાં એક લાખથી વધુની રોકડ રકમ મળી આવી છે, જ્યારે હજી અનેક થેલામાં નોટો અને સિક્કાં બાકી છે. અનુમાન છે કે કુલ રકમ કેટલાક લાખો રૂપિયામાં પહોંચી શકે છે.પોલીસે સ્થળ પર પહોંચી તમામ રોકડ રકમ કબજે લીધી અને સુરક્ષા વધારી હતી. અધિકારીઓએ જણાવ્યું કે મહિલાની માનસિક સ્થિતિ અસ્થિર હોવાથી તેને તાત્કાલિક હોસ્પિટલ ખસેડવામાં આવી છે. હવે પોલીસે તપાસ શરૂ કરી છે કે આટલી મોટી રકમ તેણીએ ક્યાંથી અને કેવી રીતે એકઠી કરી.

આ પણ વાંચોઃ 2027ના વર્લ્ડ કપમાં કેપ્ટન પાક્કો! લાંબા સમય બાદ રોહિત શર્મા ફોર્મમાં, ફટકારી દીધી શાનદાર સદી

આ સમગ્ર ઘટનાનો વીડિયો સોશિયલ મીડિયા પર ભારે વાયરલ થયો છે. X પર આ વીડિયો @askbhupi નામના એકાઉન્ટ દ્વારા શેર કરાયો હતો, જેને હજારો લોકોએ જોયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ