સ્પોર્ટ્સ ન્યૂઝ / હવે ક્રિકેટ જોવી હોય તો આ ચેનલ લગાવવી પડશે, BCCI સાથે 5 વર્ષ માટે ડીલ થઈ ડન, અબજોમાં વેચાયા મીડિયા રાઈટ્સ

• BCCIએ  ભારતમાં થનારી મેચોને લઈને કરી ઘોષણા
• આવનારા 5 વર્ષો માટે પ્રસારણનાં અધિકારો વાયાકૉમ18ને આપ્યાં
• 11 વર્ષોથી આ અધિકાર સ્ટાર સ્પોર્ટસ્ નેટવર્કની પાસે હતો

ભારતીય ક્રિકેટ કંટ્રોલ બોર્ડ એટલે કે BCCIની તરફથી ભારતીય ક્રિકેટ ટીમની ઘરેલૂ મેચોનાં પ્રસારણ અધિકાર માટે કરવામાં આવેલી ઈ-નીલામીની પ્રક્રિયા પૂર્ણ થઈ ગઈ છે. ટીમ ઈન્ડિયાનાં ઘરે એટલે કે આપણાં દેશમાં થનારી તમામ મેચોનાં ટીવી અને ડિજિટલ પ્રસારણનાં તમામ અધિકારો વાયાકૉમ 18ને મળ્યાં છે. આ કરારની શરૂઆત ભારતમાં થનારી ICC વનડે વર્લ્ડકપથી પહેલાં ઑસ્ટ્રેલિયાની સામે થનારી સીરીઝથી થશે.

Congratulations @viacom18 🤝 for winning the @BCCI Media Rights for both linear and digital for the next 5 years. India Cricket will continue to grow in both spaces as after @IPL, and @wplt20, we extend the partnership @BCCI Media Rights as well. Together we will continue to…

— Jay Shah (@JayShah) August 31, 2023

5996.4 કરોડ રૂપિયામાં આ ડીલ ફાઈનલ
વાયાકૉમ18 એ ડિઝ્ની-સ્ટારને પાછળ છોડીને 5 વર્ષો સુધી ભારતમાં થનારી તમામ મેચોનાં ટીવી અને ડિજિટલ અધિકારોને પ્રાપ્ત કરી લીધાં છે. છેલ્લાં 11 વર્ષોથી આ અધિકાર સ્ટાર સ્પોર્ટસ્ નેટવર્કની પાસે હતો. 5996.4 કરોડ રૂપિયામાં આ ડીલ વાયાકૉમ 18એ મેળવી લીધી છે. ગઈ વખતે ડિઝ્ની સ્ટારે 6138 કરોડ રૂપિયાની ઊંચી રકમ આપીને આ અધિકાર મેળવ્યાં હતાં.

BCCIએ આપી શુભેચ્છા
BCCIનાં સચિવ જય શાહે વાયાકૉમ 18ને આ અધિકાર મેળવવા બદલ શુભકામનાઓ આપી છે આ સાથે જ ડિઝ્ની-સ્ટારનો આ નીલામીમાં જોડાવા બદલ આભાર માન્યો છે. તેમણે લખ્યું કે વાયાકૉમ 18ને BCCIનાં મીડિયા અધિકારોને આવનારાં 5 વર્ષો માટે જીતવા બદલ શુભેચ્છા.

Also a big thank you to @starindia @DisneyPlusHS for your support over the years. You played a key role in making India Cricket reach its fans across the globe. 2/2

— Jay Shah (@JayShah) August 31, 2023

5 વર્ષનો કરાર
ભારતમાં વિશ્વકપ પહેલાં થનારી ઑસ્ટ્રેલિયા સામેની વનડે સીરીઝથી આ કરારની શરૂઆત થશે જે આવનારાં 5 વર્ષો સુધી યથાવત રહેશે. 2023થી 2028 સુધી કુલ 88 ઈંટરનેશનલ મેચોનું લાઈવ સ્ટ્રીમિંગ જિયો સિનેમા એપ પર અને સ્પોર્ટસ્ ચેનલ પર સીધા પ્રસારિત થશે.