નિર્ણય / એશિયા કપ પહેલા BCCIનો નવો નિયમ, ખેલાડીઓની સાથે ટીમને પણ ફાયદો!

ભારતીય વિકેટકીપર બેટ્સમેન ઋષભ પંતને તાજેતરના ઇંગ્લેન્ડ પ્રવાસ પર ગંભીર ઈજાનો સામનો કરવો પડ્યો હતો. લોર્ડ્સ ટેસ્ટ દરમિયાન વિકેટકીપિંગ કરતી વખતે તેને આંગળીમાં ઈજા થઈ હતી. ત્યારે માન્ચેસ્ટર ટેસ્ટમાં પંતને પગમાં ગંભીર ઈજા થઈ હતી, જેના કારણે તેને મેદાન છોડીને જવું પડ્યું હતું. પંતની ઈજાએ ટીમ ઈન્ડિયા માટે ચિંતા વધારી દીધી હતી. જેના કારણે ભારતીય ક્રિકેટ કંટ્રોલ બોર્ડે હવે આગામી સ્થાનિક સિઝન પહેલા એક નવો નિયમ બનાવ્યો છે.

BCCI એ નવો નિયમ લાવ્યો

ભારતીય ક્રિકેટ બોર્ડે ડોમેસ્ટીક ક્રિકેટમાં મલ્ટી-ડે મેચો માટે નવો 'સિરિયસ ઈંજરી રિપ્લેસમેન્ટ' રજૂ કર્યો છે. આ નિયમ 2025-26 સીઝનથી અમલમાં આવશે અને મલ્ટી-ડે ફોર્મેટમાં ઇજાગ્રસ્ત ખેલાડીઓ માટે રિપ્લેસમેન્ટ આપવામાં આવશે. ઋષભ પંતની ઈજાને કારણે BCCI એ આ દિશામાં પગલાં લેવા માટે પ્રેરિત થયા છે. નવા નિયમ હેઠળ, જો કોઈ ખેલાડી મલ્ટી-ડે મેચ દરમિયાન ગંભીર ઈજાને કારણે મેચમાંથી બહાર થઈ જાય છે, તો ટીમ મેનેજમેન્ટ તેની જગ્યાએ સમાન લાયકાત ધરાવતા ખેલાડીને સ્થાન આપી શકશે. આ રિપ્લેસમેન્ટ તાત્કાલિક અસરકારક રહેશે, આ માટે સિલેક્ટરોએ અને મેચ રેફરીની મંજૂરી લેવી પડશે.

સિરીયર ઈંજરી રિપ્લેસમેન્ટ નિયમથી નક્કિ થશે કે ઈજાના કારણે ટીમની રણનીતિ પ્રભાવિત ન થાય અને મેચનું સ્તર જળવાઈ રહે. અમદાવાદમાં ચાલી રહેલા અમ્પાયર્સ સેમિનારમાં, અમ્પાયર્સને આ વિશે માહિતી આપવામાં આવી છે. BCCI એ કહ્યું કે વાઈટ બોલ ટુર્નામેન્ટ સૈયદ મુશ્તાક અલી અથવા વિજય હજારે ટુર્નામેન્ટમાં આવી કોઈ રિપ્લેસમેન્ટની મંજૂરી આપવામાં આવશે નહીં. IPL ની આગામી સીઝનમાં આ નિયમને મંજૂરી આપવામાં આવશે કે નહીં તે હજુ નક્કી નથી, પરંતુ આ નિયમ CK નાયડુ ટ્રોફી માટે મલ્ટી-ડે અંડર 19 ટુર્નામેન્ટમાં લાગુ થશે.

વધુ વાંચો: ખેલાડીઓના પગારમાં કાપ, બે ખેલાડીઓનું કપાશે પત્તું, ક્રિકેટ બોર્ડે લીધો મોટો નિર્ણય

ICC નો નિયમ શું છે?

ICC ના નિયમો અનુસાર, જ્યારે કોઈ ખેલાડીને માથામાં ઈજા થાય છે ત્યારે જ રિપ્લેસમેન્ટ આપવામાં આવે છે. હવે કન્કશનમાં નિયમ એ છે કે જો કોઈ ખેલાડી આ કારણોસર બહાર હોય, તો તે 7 દિવસ સુધી કોઈ મેચ રમી શકશે નહીં. ક્રિકેટના નિયમો અનુસાર, જ્યારે કોઈ ખેલાડીને માથામાં ઈજા થાય છે અને તે રમવાનું ચાલુ રાખી શકતો નથી ત્યારે કન્કશન સબસ્ટિટ્યુટ લાગુ પડે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ