બનાસકાંઠા / MLA કેશાજી ચૌહાણના કાર્યક્રમમાં બબાલ, ખેડૂત આગેવાનને ધારાસભ્યના સમર્થકોએ લાફો ઝીંકી દીધો

• દિયોદરમાં MLAની હાજરીમાં ખેડૂત પર હુમલો 
• MLAના સમર્થકોએ ખેડૂત પર હુમલો કર્યો
• ખેડૂત આગેવાન અમરાભાઇ પર હુમલો
   

Deodar Farmer leader attacked : બનાસકાંઠાના દિયોદર ગામે એક કાર્યક્રમ દરમિયાન ધારાસભ્ય કેશાજી ચૌહાણની હાજરીમાં તેમના જ સમર્થકોએ એક ખેડૂત આગેવાન પર હુમલો કર્યો છે. ધારાસભ્યની હાજરીમાં ખેડૂત પર હુમલો થતાં દિયોદરમાં આ મુદ્દો ચર્ચાસ્પદ બન્યો છે.

ખેડૂતોને રજૂઆત કરવી ભારે પડી !
ધારાસભ્ય કેશાજી ચૌહાણને સમસ્યાની રજૂઆત કરવા ગયેલા ખેડૂત પર MLAના સમર્થકોએ હુમલો કર્યો છે. અટલ ભૂજલ યોજના માટેનો આ કાર્યક્રમ યોજાયો હતો. જ્યાં ધારાસભ્ય પણ ઉપસ્થિત હતા જને લઈ અમરાભાઈ નામના ખેડૂત આગેવાન MLAને કેટલીક સમસ્યાની રજૂઆત માટે ગયા હતા. જ્યાં ધારાસભ્યના સમર્થકોએ એકાએક હુમલો કર્યો હતો અને ખેડૂત આગેવાનને ઉપરા છાપરી લાફા ઝીંકતાનો વીડિયો પણ સામે આવ્યો છે. 

લોકોમાં રોષ ભભૂક્યો
પંથકમાં લોક ચર્ચા એવી પણ છે કે, આ સમગ્ર મામલો ધારાસભ્ય કેશાજી ચૌહાણ ટગર ટગર જોતા રહ્યાં પરંતુ તેઓ એક શબ્દ પણ ન બોલ્યા હતા. જેને લઈ ધારાસભ્ય પ્રત્ય કેટલાક લોકોમાં રોષ ભભૂક્યો છે. વીડિયોમાં જોઈ શકાય છે કે, એક વ્યક્તિ આવે છે અને રજૂઆત કરવા આવેલા ખેડૂતને કહે છે કે, જ્યારે સાહેબ ગામમાં મિટિગ કરે છે ત્યારે પણ તું બોલે છે અને અહીં પણ તું ઉભો થઈ બોલે છે.