અક્ષય કુમાર અને ટાઈગર શ્રોફની ફિલ્મ 'બડે મિયાં છોટે મિયાં' ફિલ્મનું ટીઝર રિલીઝ કરવામાં આવ્યું છે. અક્ષય કુમારે ઇન્સ્ટાગ્રામ હેન્ડલ પર ટીઝરની રિલીઝ થવા અંગે જણાવ્યું હતું.
Share
'બડે મિયાં છોટે મિયાં' ફિલ્મનું ટીઝર રિલીઝ
અક્ષય કુમારે ઇન્સ્ટાગ્રામ હેન્ડલ આપી જાણકારી
આ દિવસે રિલીઝ થશે અક્ષય-ટાઈગરની ફિલ્મ
ADVERTISEMENT
અક્ષય કુમાર અને ટાઈગર શ્રોફની ફિલ્મ 'બડે મિયાં છોટે મિયાં'નું પોસ્ટર ગઈકાલે રિલીઝ થયું હતું. આજે આ ફિલ્મનું ટીઝર આજે રિલીઝ કરવામાં આવ્યું છે. દર્શકો આતુરતાથી આ ફિલ્મની રાહ જોઈ રહ્યા છે.
'બડે મિયાં છોટે મિયાં' ટીઝર
અક્ષય કુમારે ઇન્સ્ટાગ્રામ હેન્ડલ પર ટીઝરની રિલીઝ થવા અંગે જણાવ્યું હતું. અક્ષય કુમારે કેપ્શનમાં લખ્યું હતું કે, 'જ્યારે દુનિયાને બચાવવાની વાત આવે છે, ત્યારે તમારા મિત્ર તમારી સાથે હોય છે.’ બડે મિયાં છોટે મિયાંનું ટીઝર રિલીઝ થઈ ગયું છે. ફિલ્મ 'બડે મિયાં છોટે મિયાં'ના પોસ્ટરમાં અક્ષય કુમાર અને ટાઈગર શ્રોફને બંદૂકથી ફાયરિંગ કરતા જોવા મળી રહ્યા છે.
ઈદ પર રિલીઝ થશે આ ફિલ્મ
'બડે મિયાં છોટે મિયાં' બાબતે એક અફવા ઉડી હતી, કે આ ફિલ્મ સ્થગિત કરવામાં આવી છે. ડિરેક્ટરે અલી અબ્બાસ ઝફરે આ અફવાને પાયાવિહોણી ગણાવીને જણાવ્યું હતું કે, ‘આવી અફવાઓ કેવી રીતે ફેલાઈ રહી છે, તેની મને ખબર નથી. પ્રી-પ્રોડક્શનમાં વધુ સમય જાય છે.’ તમને જણાવી દઈએ કે, ફિલ્મ 'બડે મિયાં છોટે મિયાં' આ વર્ષે ઈદના દિવસે રિલીઝ થશે.
'બડે મિયાં છોટે મિયાં' સ્ટારકાસ્ટ
1998માં રિલીઝ થયેલ ફિલ્મ 'બડે મિયાં છોટે મિયાં'નું ડાયરેક્શન ડેવિડ ધવને કર્યું હતું. આ ફિલ્મમાં અમિતાભ બચ્ચન અને ગોવિંદા મુખ્ય ભૂમિકામાં જોવા મળ્યા હતા. વર્ષ 2024માં રિલીઝ થનાર ફિલ્મ 'બડે મિયાં છોટે મિયાં'નું નિર્દેશન અલી અબ્બાસ ઝફરે કર્યું છે. આ ફિલ્મમાં અક્ષય અને ટાઇગરની સાથે પૃથ્વીરાજ સુકુમારન પણ જોવા મળશે. પૃથ્વીરાજ સુકુમારન થોડા સમય પહેલા રિલીઝ થયેલ ફિલ્મ 'સલાર પાર્ટ 1: સીઝફાયર'માં જોવા મળ્યો હતો.
