રાહત / ખાતેદારોને બેઠી કમાણી ! ખાનગી ક્ષેત્રની મોટી બેન્કે આપ્યાં ખુશખબર, FD વ્યાજ દરમાં કર્યો 0.25 ટકાનો વધારો

• એક્સિસ બેન્કે એફડીના રેટમાં કર્યો 0.25 ટકાનો વધારો
• 2 કરોડથી ઓછી એફડી પર વ્યાજ દરમાં વધારો
• 16 જુલાઈથી લાગુ પડી ગયા નવા રેટ 

રેપો રેટ્સમાં વધારાના આરબીઆઈના નિર્ણય બાદ એક પછી એક બેન્કો એફડીના રેટમાં વધારો કરીને લોકોને ખુશખબર આપી રહી છે. હવે ખાનગી સેક્ટરની જાણીતી એક્સિસે બેન્કે પણ તેના ગ્રાહકોને ખુશખબર આપતા 2 કરોડ રૂપિયાથી ઓછી એફડીના વ્યાજદરમાં  0.25 ટકાના વધારાની જાહેરાત કરી દીધી છે. અત્યાર સુધી તો એક્સિસ બેન્કમાં એફડી રાખનાર લોકોને 4.40 ટકા પર વ્યાજ મળતું હતું પરંતુ હવે તેને વધારીને 4.65 ટકા કરાયું છે આ રીતે એફડી ધારકોને 0.25 ટકા વ્યાજ વધારાનો લાભ મળશે. 

16 જુલાઈ, 2022થી લાગુ નવા દરો 
2 કરોડ રૂપિયાથી ઓછી એફડી માટે વધારેલા વ્યાજદરનો અમલ 16 જુલાઈ 2022થી લાગુ થઈ ગયા છે. બેંકે 7 મહિનાથી ઓછા સમયમાં પરંતુ 6 મહિનામાં પાકતી ફિક્સ્ડ ડિપોઝિટના વ્યાજ દરમાં વધારો કર્યો છે. સાથે જ 9 મહિનાથી ઓછા સમયમાં પરંતુ 8 મહિનામાં મેચ્યોર થનારી ફિક્સ્ડ ડિપોઝિટના વ્યાજ દરમાં પણ વધારો કરવામાં આવ્યો છે. 

ઘણી બેન્કોએ વધાર્યાં છે એફડી રેટ 
ઘણી બેંકોએ તાજેતરમાં જ તેમના એફડી દરો જેવા કે એસબીઆઈ, એક્સિસ બેંક, ઈન્ડિયન ઓવરસીઝ બેંક, પંજાબ અને સિંધ બેંક, આઈડીબીઆઈ બેંક વગેરેમાં વધારો કર્યો છે. આરબીઆઈએ રેપો રેટ વધાર્યા બાદ રેટ વધારાનો આ ટ્રેન્ડ શરૂ થયો છે.