ખુશી કે તહેવારનો પ્રસંગ ક્યારે માતમમાં બદલાય જાય તે કહેવાય નહીં. ઈદનો તહેવાર પણ જોતજોતામાં માતમમાં બદલાઈ ગયો હતો કારણ કે એકીસાથે 5થી વધુ યુવાનોના મોત થયાં હતા. યુપીના કાસગંજમાં તહેવારની ખુશી શોકમાં ફેરવાઈ ગઈ છે. પિકનિક મનાવવા આવેલા આઠ મિત્રોમાંથી ચાર અને તેમને બચાવવા આવેલા સ્થાનિક યુવક ડૂબી ગયા છે. આ દરમિયાન બહાર બેઠેલો એક કિશોર પણ બધાના વીડિયો બનાવતો હતો. મોત પહેલા જ આ વીડિયો હવે વાયરલ થઇ રહ્યો છે. પાંચ મૃતકોની શોધખોળ માટે ડાઇવર્સ તૈનાત કરવામાં આવ્યા છે. પોલીસ અને પ્રશાસનની ટીમ બચાવ કામગીરી ચલાવી રહી છે. આ ઘટના તાતરપુર હઝારા નહેરની છે. ડીએમ સુધા વર્મા અને એસપી અપર્ણા રજત કૌશિક પણ પોલીસ દળ સાથે ઘટના સ્થળે પહોંચ્યા હતા અને ઘટના અંગે પૂછપરછ કરી હતી. કાસગંજમાં ઈદની નમાજ બાદ બપોરે એક વાગ્યે આઠ મિત્રો પિકનિક મનાવવા આવ્યા હતા. દોઢ વાગ્યે તે કેનાલમાં નહાવા માટે નીચે ઉતર્યાં હતા પરંતુ થોડીવારમાં ડૂબવા લાગ્યાં હતા. સ્થાનિક યુવાનોએ તેમને બચાવવાનો પ્રયાસ કર્યો હતો અને ચારને બચાવી લીધા હતા પરંતુ તે પોતે ડૂબી ગયાં હતા.
વધુ વાંચો : વીડિયો કોલ આવ્યો, ઉપાડતાં જ મહિલાએ કરી અશ્લીલ હરકત, પછી જે બન્યું તે શરમાવી મૂકે તેવું
9 છોકરાઓ ડૂબ્યાં, 5ને બચાવી લેવાયાં
ડીએમએ જણાવ્યું કે કેનાલમાં 9 બાળકો નહાવા માટે આવ્યા હતા. જેમાંથી 4ને બચાવી લેવાયા છે અને 5 કેનાલમાં ડૂબી ગયા છે. અમારી પૂર પીએસીની ટીમ સતત બચાવ કામગીરી ચલાવી રહી છે. સ્થાનિક ડાઇવર્સને કામે લગાડવામાં આવ્યા છે. આ તમામ પિકનિક મનાવવા નહેર પર આવ્યા હતા અને નાહવાની મસ્તીમા લાગ્યાં હતા.
સ્વિમિંગ પુલના બહાને કેનાલ પર આવતાં ડૂબ્યાં
તમામ યુવાનો સ્વિમિંગ પુલમાં જઈએ છીએ તેવું બહાનું કાઢીને કેનાલ પર આવ્યાં હતા. ટોટલ 9 યુવાનો ડૂબ્યાં હતા પરંતુ ચારને બચાવી લેવાયાં હતા અને પાંચની લાશ બહાર કાઢવામાં આવી છે. આસિફ નામનો યુવાન ડૂબેલાને બચાવવા કૂદી પડ્યો હતો અને તેણે એકને બચાવી લીધો હતો.
